Memleket basshysy Qorǵanys mınıstri Rýslan Jaqsylyqovty qabyldady

Memleket basshysy Qorǵanys mınıstri Rýslan Jaqsylyqovty qabyldady Sýret: Aqorda

Mınıstr paıdalanylmaıtyn áskerı múlik pen qarý-jaraqty joıý sharalary týraly esep berdi


Prezıdentke – Qarýly Kúshterdiń Joǵarǵy Bas qolbasshysyna Qorǵanys mınıstrliginiń byltyr atqarǵan qyzmetiniń nátıjeleri týraly esep berilip, osy jylǵa arnalǵan jospary tanystyryldy, dep habarlaıdy Almaty-akshamy.kz.


Qasym-Jomart Toqaevqa áskerı daıyndyqtyń jaı-kúıi, Qazaqstan armıasynyń quramy men qurylymyn jetildirý, júrgizilgen jedel jáne jaýyngerlik ázirlik sharalary jóninde aqparat berildi.


General-polkovnık Rýslan Jaqsylyqov byltyr Arnaıy operasıalar kúshteri qurylǵanyn, desanttyq-shabýyldaý áskeriniń áleýeti artyp kele jatqanyn jetkizdi. Sondaı-aq qazirgi syn-qaterler men qaýipterge baılanysty áskerdiń jaýyngerlik ázirlik baǵdarlamasy qaıta qaraldy.


Memleket basshysyna armıadaǵy jaǵymsyz jaıttardyń aldyn alý, jastardyń áskerı boryshyn oryndaýǵa degen qulshynysyn arttyrý, sondaı-aq áleýmettik qamsyzdandyrý júıesin jetildirý jóninde qorǵanys vedomstvosynyń qabyldap jatqan sharalary týraly málimet berildi.


Qorǵanys mınıstri Qarýly Kúshterdi zamanaýı tehnıkamen jáne qarý-jaraqpen jabdyqtaý, aýmaqtyq qorǵanys áskerin damytý, áskerı ınfraqurylymdy jetildirý jáne bitimgerlik múmkindikterin keńeıtý jóninde baıandady. Sondaı-aq paıdalanylmaıtyn áskerı múlik pen qarý-jaraqty joıý sharalary týraly esep berdi.


Budan bólek, Joǵarǵy Bas qolbasshyǵa jaýyngerlik ázirlikti shyńdaý, keń aýqymdy, sonyń ishinde halyqaralyq deńgeıdegi áskerı oqý-jattyǵý jıyndaryn ótkizýge qatysty bıylǵa josparlanǵan is-sharalar týraly baıandaldy.


Kezdesý sońynda Prezıdent áskerı qyzmetshilerdiń ómiri men densaýlyǵyn saqtaý, áskerı ortadaǵy moraldyq-psıhologıalyq ahýaldy jaqsartý mańyzdy ekenin atap ótti. Sondaı-aq mınıstrlikke elimizdiń qorǵanys qabiletin odan ári arttyrý, merzimdi áskerı qyzmetke shaqyrýdyń kóktemgi naýqanyn sapaly uıymdastyrý jóninde birqatar tapsyrma berdi.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

13:41

13:00

10:56

10:13

09:56

09:24

19:54

18:29

16:55

15:07

14:14

13:34

13:27

12:38

11:20

10:15

09:55

09:05

19:42

19:19

18:33

18:31

16:39

15:08

14:46