Kóktaıǵaqta qalaı saqtanamyz?
Tótenshe jaǵdaılar mınıstrligi birneshe keńes usyndy, dep habarlaıdy Almaty-akshamy.kz.
Baıqap júrý
Tipti qatty keshigip jatsańyz da, muzda júgirmeńiz. Júrgen kezde barynsha tabanyńyzdy nyq basyp, tizeńizdi bosań ustańyz. Aıaǵyńyzdy sál búgip, tizeńizdi aýyrtpaı, salmaqty búkil tabanǵa túsirip, aqyryn júrińiz. Jyldam júrmeńiz, aıaǵyńyzdy joǵary kótermeńiz. Qadam neǵurlym qysqa bolsa, soǵurlym jaqsy. Muzdyń ústinde eshqashan qolyńyzdy qaltańyzǵa salmańyz.
Durys aıaq kıim kıý
Kóktaıǵaqta tabany syrǵanaıtyn óksheler men aıaq kıimder kımeý kerek. Kerisinshe, avtomobıldiń qysqy dóńgelegi sıaqty jerdiń betine «jabysyp» qalatyn etik pen báteńke tańdaý kerek.
«Yńǵaıly» qulaýǵa tyrysý
Eger siz syrǵyp, qulap bara jatqanyńyzdy bilseńiz, dene salmaǵyńyzdy birden alǵa jáne búıirge aýystyrýǵa tyrysyńyz. Shalqalap qulaýdan aýlaq bolý kerek.
Eger siz qulap, azdap aýyrsyný sezseńiz, dárigerge baryńyz. Jeńil aýyrsyný keıde býyn shyqqannyń belgisi bolýy múmkin, al keıbir jaraqattar ýaqyt óte kele paıda bolady. Búıirmen qulaýdyń qaýipsiz ekenin esińizde saqtańyz jáne eshqandaı jaǵdaıda qolyńyzdy nemese aıaǵyńyzdy qulaǵan jaqqa tiremeńiz, múmkindiginshe deneńizdi bos ustaýǵa tyrysyńyz.
Dene azdap soǵylǵan jaǵdaıda medısınalyq kómek almaýǵa da bolady. Basyńyzben muzǵa qulasańyz, muny eleýsiz qaldyrýǵa bolmaıdy, azdap mıdyń shaıqalýy bastyń aýrýyna, kózdiń kórýiniń tómendeýine nemese estý qabiletiniń nasharlaýyna ákelýi múmkin.