Qarýly Kúshterdiń Joǵarǵy Bas qolbasshysy Qasym-Jomart Toqaev «Batyl toıtarys – 2023» oqý-jattyǵý jıyny ótetin jerge kelgen soń Bas shtabtyń aldyńǵy sheptegi basqarý pýnktin aralap kórip, shuǵyl keńes ótkizdi, dep habarlaıdy Almaty-akshamy.kz.
Bas shtabtyń bastyǵy, general-leıtenant Marat Qusaıynov jalpy ahýal jóninde baıandady. Sodan keıin Premer-Mınıstrdiń birinshi orynbasary Roman Sklár beınebaılanys rejıminde elimizdiń qorǵanys áleýetin arttyrý úshin ázirlengen sharalar týraly baıandama jasady. Al ásker túrleriniń bas qolbasshylary jáne «Ońtústik» óńirlik qolbasshylyǵy áskerleriniń qolbasshysy, sondaı-aq Abaı oblysynyń ákimi men Soltústik Qazaqstan oblysy ákiminiń mindetin atqarýshy ózderine senip tapsyrylǵan aýmaqtaǵy júktelgen mindetterdiń oryndalý barysy jóninde baıandady.
Keńes barysynda Prezıdent armıany joǵary tehnologıalyq qarý-jaraqpen jáne áskerı tehnıkamen qamtasyz etý qajet ekenin atap ótti. Sondaı-aq otandyq qorǵanys ónerkásibi keshenin nyǵaıtýdyń mańyzdylyǵyna nazar aýdardy.