Memleket basshysy Qasym-Jomart Toqaev Pavlodar turǵyndaryna oftalmologıalyq qyzmetter kórsetetin medısına mekemesiniń jumysymen tanysty, dep habarlaıdy almaty-akshamy.kz Aqordaǵa silteme jasap.
Prezıdent dıagnostıkalyq-emhanalyq keshenin, stasıonar bólimin, sondaı-aq lazer ortalyǵy men operasıalyq blokty aralap kórdi.
Mekeme basshylyǵynyń aıtýynsha, klınıka aı saıyn kóz aýrýyna shaldyqqqan 1 myńǵa jýyq naýqasty qabyldap, 200-ge tarta ota jasaıdy. Pasıentter aqyly túrde de, mindetti áleýmettik medısınalyq saqtandyrý (MÁMS) aıasynda da dıagnostıkadan óte alady.
Klınıka qyzmetkerlerimen áńgimelesý barysynda Prezıdent óńirlerde osyndaı joǵary tehnologıalyq arnaýly medısına mekemeleriniń ashylýy óte mańyzdy ekenin atap ótti. Memleket basshysy ortalyq ujymynyń jaýapty qyzmetine tabys tiledi.