Elordany damytý men abattandyrý jóninde birqatar tapsyrma berdi.
Qazaqstan Prezıdenti Qasym-Jomart Toqaev Nur-Sultan qalasynyń ákimi Altaı Kólginovti qabyldady, dep habarlaıdy Almaty-akshamy.kz Aqordaǵa silteme jasap.
Qasym-Jomart Toqaevqa elordanyń áleýmettik-ekonomıkalyq jáne ınfraqurylymdyq damýy jóninde málimet berildi.
Prezıdentke bıyl 28 500 jumys ornyn ashý josparlanyp otyrǵany baıandaldy. Onyń 24 myńy turaqty jumys orny bolmaq. Sonymen qatar ınjenerlik jelilerdi jańǵyrtý, kópirler men joldardyń qurylysy, turmysy tómen azamattarǵa áleýmettik kómek kórsetý, shaǵyn jáne orta bıznesti qoldaý máseleleri týraly aıtyldy.
Qala ákiminiń aıtýynsha, Memleket basshysynyń tapsyrmasyna sáıkes, turǵyn úıler jaǵdaıyn jaqsartý boıynsha júıeli jumystar júrgizilip jatyr. Atap aıtqanda, kezekte turǵan azamattarǵa áleýmettik páterler salynýda. Budan bólek, bıyl 300-den astam otbasy apatty jaǵdaıdaǵy tozyǵy jetken turǵyn úılerden kóshiriledi. 16 myń úleskerdiń 13 myńynyń máselesi sheshilip, qurylysy uzaqqa sozylǵan nysandardyń jumysyn aıaqtaýǵa ınvestorlardyń jeke qarajaty tartylǵan. Sonymen qatar bilim berý oryndary, medısınalyq ortalyqtar jáne basqa da áleýmettik nysandar salynady.
Qasym-Jomart Toqaev ákimdiktiń jumysyn maquldap, elordany damytý men abattandyrý jóninde birqatar tapsyrma berdi.