Máýlen Áshimbaev Prezıdentke Senattyń reformalardy zańnamalyq turǵydan qamtamasyz etý jumystarynyń ótken aılardaǵy qorytyndysy jáne aldaǵy kezeńge arnalǵan jospary jóninde málimet berdi, dep habarlaıdy almaty-akshamy.kz.
Prezıdenttiń elimizdi jáne óńirlerdi damytýǵa baǵyttalǵan tapsyrmalarynyń júzege asyrylýy Senat úshin negizgi basymdyq sanalatynyn aıtty.
Qazirgi ýaqytta áıelderdiń quqyǵy men balalardyń qaýipsizdigin qamtamasyz etý, densaýlyq saqtaý, transferttik baǵa belgileý, halyqtyń kóshi-qony, baılanys jáne sıfrlandyrý, ǵylym jáne bilim máselelerine qatysty zańdar senatorlardyń qaraýynda jatqanyn jetkizdi.
Senatorlar ǵylym, sot júıesin reformalaý, organıkalyq ónimderdiń aınalymy, qaýipsiz eńbek jaǵdaıyn jetildirý jáne jumysshylardyń eńbek quqyǵyn qorǵaý jónindegi 10 zań jobasyn Májilistiń qaraýyna usynǵan.
Bıyl Búdjet, Qurylys, Sý, Salyq jáne Sıfrlyq kodeksterin, sondaı-aq «Memlekettik satyp alý týraly», «Mass-medıa týraly» jáne «Jylý energetıkasy» týraly zań jobalaryn qaraý josparlanyp otyrǵanyn málimdedi.
Memleket basshysynyń tapsyrmasymen qurylǵan Qazaqstannyń Ornyqty damý salasyndaǵy ulttyq maqsattary men mindetteriniń iske asyrylýyna monıtorıń júrgizý jónindegi parlamenttik komısıanyń jumysy týraly baıandady.
Álemdik jáne dástúrli dinder kóshbasshylary sezi hatshylyǵynyń qyzmetin tanystyrdy.
Qazirgi kezde sıezi damytýdyń 2023-2033 jyldarǵa arnalǵan tujyrymdamasy júzege asyrylyp jatyr.
Senattyń máslıhat depýtattarymen aradaǵy jumys jandana túskenin aıtty.
Bul iske «Óńir» depýtattyq toby men Senat janyndaǵy jergilikti ókildi organdarmen ózara is-qımyl jasaý jónindegi keńes belsendi atsalysýda.
Bıyl elimizdegi máslıhat ınstıtýtynyń qurylǵanyna 30 jyl tolady.
Osyǵan oraı sáýir aıynda halyqaralyq konferensıa ótkizý josparlanyp otyrǵanyn jetkizdi.
Prezıdent elimizde júrgizilip jatqan reformalardy zańnamalyq turǵydan qoldaýdyń róli zor ekenin atap ótti.
Qasym-Jomart Toqaev aımaqtardyń damýyna barynsha kómek kórsetý memlekettik saıasattyń mańyzdy baǵyty dep sanaıdy.
Onyń pikirinshe, bul iske jergilikti ókildi organdardyń depýtattaryn keńinen tartý qajet.