Jolshylar men memlekettik qyzmetkerlerge avtomobıl joldarynyń jaı-kúıin tekseretin mekeme ókilderi dáris ótkizdi. Semınarda qatysýshylarǵa saladaǵy ózgerister men jańashyldyqtar aıtyldy, dep habarlaıdy almaty-akshamy.kz.
Semınardyń maqsaty - bıyl Almaty ákimdiginiń josparly tapsyrmalaryn talqylap, jańa jobalarmen tanystyrý. Qaladaǵy aýdan ákimdikteri byltyrdan bastap aǵymdaǵy jol jóndeý jumystaryna jaýapty. Jańa normatıvter men talaptar áli de tolyq qalypqa túspegen. Ár joldyń tólqujaty bolady. Al joldardy jóndeýge qarajat jergilikti ákimdikterdiń reıteıgine qaraı bólinbek. Salynǵan joldyń sapasyna saı ákimniń deńgeıi de belgilenedi. Qazir reıting 1 naýryzǵa deıin daıyndalyp avtomobıl joldary komıtetine berilýi tıis bolǵan. Jańa zańda «Jol aktıvteri ulttyq sapasynyń ortalyǵy» arqyly eldimekenderdegi joldardy jóndeý sapasyna mindetti saraptama engizý kózdelgen. Normatıvterge sáıkestigi men kepildik kezeńinde paıda bolǵan ahaýlarǵa tehnıkalyq qadaǵalaý men jobalaý uıymdarynyń ortaq jaýapkershiligin beretin bolady. Qorytyndy avtomobıl joldary komıtetiniń saıtynda jarıalanbaq. Jol sapasyna jaýapty mekemeniń Almaty fılıalynyń dırektory qala kósheleriniń joly ózge aımaqtardan ilgeri ekenin aıtady.
“Almaty - elimizdegi megapolıs. Qaladaǵy joldardyń sapasyna qatysty talap ta qatań. Qazirgi tańda Almaty joldarynyń sapa kórsetkishi 86%. Qala ákiminiń tapsyrmasyna saı, sol sapany 92%-ǵa jetkizý kózdelgen. Sondyqtan bizdiń mekeme men jergilikti atqarýshy organ birlesip áreket etý mańyzdy. Demek, ortalyq tarapynan ótkizip otyrǵan osyndaı oqytý semınarlary óte qajet”- deıdi Máýlen Álipov.