Qasym-Jomart Toqaev Denı Sassý-Ngessoǵa iltıpat bildirip, onyń elimizge bul saparynyń tarıhı mańyzy zor dep baǵalady.
Memleket basshysy Kongo Respýblıkasynyń Prezıdentimen shaǵyn quramda kelissóz júrgizdi, dep habarlaıdy aqshamnews.kz
«Qazaqstanǵa qosh keldińiz! Sizdiń bul alǵashqy saparyńyz eki el baılanystaryn damytýǵa tyń serpin beretinine senimdimin. Qazaqstan men Kongo arasyndaǵy yqpaldastyqty odan ári damytýǵa mol áleýet bar dep esepteımin», – dedi Memleket basshysy.
Denı Sassý-Ngesso qurmet kórsetkeni úshin Qasym-Jomart Toqaevqa alǵys aıtyp, Qazaqstannyń qazirgi saıası jáne ekonomıkalyq damýdaǵy jetistikterin joǵary baǵalady.
«Elderimiz arasyndaǵy dıplomatıalyq qatynastardyń 25 jyldyǵy qarsańynda Astanaǵa kelý – biz úshin zor mártebe. Bul sapar saıasat, dıplomatıa jáne ekonomıka salalaryndaǵy baılanystardy odan ári nyǵaıta túsetinine, al eki el halyqtarynyń dostyq qatynastaryn jańa deńgeıge kóteretinine senemin», – dedi Kongo Prezıdenti.
Kelissóz barysynda taraptar Qazaqstan men Kongo arasyndaǵy ekijaqty yntymaqtastyqtyń damý perspektıvalaryn talqylady. Sondaı-aq halyqaralyq jáne aımaqtyq kún tártibindegi ózekti máseleler jóninde jan-jaqty pikir almasty.