Búgin Qazaq KSR-niń eńbek sińirgen ártisi, Qazaqstan Respýblıkasynyń eńbek sińirgen ártisi, halyqtyń súıikti ánshisi Mádına Eralıevanyń týǵan kúni.
Kózi tiri bolsa kúmis kómeı Aqbaıan ánshi 70 jasqa tolar edi.
Mádına Esmalaıqyzy Eralıeva Qyzylorda oblysynyń Qazaly aýdanynda 1954 jyly 2 tamyz kúni dúnıege kelgen.
Pıoner Mádına. - Sýrettiń sol jaǵynda Qazaly qalasyndaǵy № 5 mektep-ınternattyń pıoner drýjınasy sovetiniń tóraǵasy Mádına Eralıeva. 1966 jyl.
Mádınanyń oqýshy kezi. - Ekinshi qatarda sol jaqtan ekinshi turǵan Qazalydaǵy № 5 mektep-ınternattyń 6-klass oqýshysy Mádına Eralıeva. 1967-68 oqý jyly.
Boıjetken Mádına. - Mádınanyń Qyzylorda qalasyndaǵy Mánshúk Mámetova atyndaǵy pedagogıkalyq ýchılıshede oqyp júrgen kezi. 1972 jyl.
Oblystyq teatr sahnasynda. - Mádınanyń ónerine bastaý bolǵan Qyzylordadaǵy Nartaı Bekejanov atyndaǵy oblystyq teatrdyń sahnasy edi. 1970 jyl.
Stýdenttik shaq. - Aldyńǵy partada (sol jaqtan birinshi) otyrǵan Almatydaǵy Qyzdar pedagogıkalyq ınstıtýtynyń stýdenti Mádına Eralıeva. 1975 jyl.
Aspırant Mádına. - Mádına Ǵylym Akademıasynyń aspırantýrasynda oqyp júrgen kezinde «Adyrna» ansambline jumysqa shaqyrylǵan edi. 1979 jyl.
Sahnalyq kıimdi ólsheý. - Mádınanyń «Adyrna» sazdy-folklorlyq ansamblinde án shyrqap júrgen kezi. 1978 jyl.
Mádına alǵashqy ánderin baıanmen oryndaıtyn. - Mádına Eralıeva óziniń juldyzyn jandyrǵan «Aqbaıan» ánin shyrqap tur. 1978 jyl.
Ánshi men rejıserdiń úılený toıy. - Mádına Eralıeva men Bolat Atabaevtyń nekelesý sáti. Almaty qalasy, 1980 jyl.
«Adyrna» ansambli týraly kitap. - Muqabasynda Mádınanyń sýreti basylǵan bul kitap 1990 jyly Fransıada jaryq kórdi.
Aqtaý aıdynyndaǵy aqqýlar. - Kaspıı teńiziniń jaǵasyndaǵy Aqtaý qalasyndaǵy gastroldik sapar kezinde. 1997 jyl.
Ánshi súıikti kóligimen. - Mádına Eralıeva ánshi qyzdardan alǵashqy bolyp kólik júrgizgen edi, 1998 jyl.
Anasy men balasy. - Mádına jalǵyz uly Arsenmen birge óz úıinde. Almaty, 1999 jyl.
Súıikti aq roıál. - Tamasha ánderin súıemeldegen osy roıál Mádınanyń jaqsy kóretin aspaby edi. Óz úıiniń qonaq bólmesinde. 2000 jyl.
Aqbaıan dese Aqbaıan edi-aý! - Ánshi Mádına Eralıeva sahnaǵa shyǵar aldynda. 1999 jyl.
Mádına ómiriniń sońǵy jylynda.
Ánshi «Kúreń kúzde» baqıǵa sapar shekti.
2000 jyly 27 qarasha kúni týǵan jerinen Almatyǵa qaıtar saparynda, Qyzylorda oblysynyń Maılybas qıylysy mańyndaǵy Aral-Tashkent tas jolynda jol apatynan qaıtys boldy.
Mádınany aqtyq saparǵa shyǵaryp salý. - Ánshimen qoshtasý ózi uzaq jyldar qyzmet etken Jambyl atyndaǵy fılarmonıada boldy. Qarasha aıy 2000 jyl.