Qasym-Jomart Toqaev Qaraǵandy qalasynyń Prıshahtınsk yqshamaýdanynda taıaýda ǵana ashylǵan «Káýsar» oqýshylar saraıynyń qyzmetimen tanysty, dep habarlaıdy aqshamnews.kz.
Memleket basshysyna mundaǵy 13 úıirme men seksıaǵa 1600 bala qatysatyny jaıynda málimet berildi. Oqýshylar ıgiligi úshin ortalyqta HI-TECH seh, shyǵarmashylyq sheberhana, horeografıa zaly, ART-stýdıa, dybys jazý, televıdenıe jáne foto stýdıalary, VR-arhıtektýra jáne WEB-dızaın kabınetteri, Intellectum-stýdıa, Internet zattary kabıneti, robotty tehnıka jáne tehnıkalyq shyǵarmashylyq zerthanasy, STEM-zerthana, mýzykalyq stýdıa, ekologıalyq ortalyq, sport jáne oıyn alańdary ashylǵan.
Jalpy aýdany 3,3 myń sharshy metr bolatyn ǵımarat sapaly qosymsha bilim alýǵa qajetti quraldarmen tolyqtaı jabdyqtalǵan.
Memleket basshysy jas urpaqtyń shyǵarmashylyq jáne kreatıvti damýynyń máni zor ekenine nazar aýdardy. Sondaı-aq qorshaǵan ortany qorǵaýǵa, sonyń ishinde «Taza Qazaqstan» ekologıalyq aksıasyn ótkizýge basa mán beretinin atap ótti. Prezıdent oqýshylardy osy mańyzdy bastamaǵa belsendi túrde atsalysýǵa shaqyrdy.
Memleket basshysy «Káýsar» oqýshylar saraıyn aralap kórdi
- Avtor aqshamnews.kz
- 16:17, 14 tamyz 2024
Aqorda