Memleket basshysy «Joshy han» spektakline bardy, dep habarlaıdy Almaty-akshamy.kz
Qoıylym «Shyńǵys ordasy» men «Qazaq ordasy» atty eki bólimnen turady.
Spektáklde Shyńǵys han men uly Joshy arasyndaǵy qarym-qatynas, olardyń el basqarý isindegi qabyldaǵan sheshimderi, ómiriniń belgili kezeńderi keńinen sýretteledi.
Sondaı-aq Uly daladaǵy túrki taıpalaryn bir ulysqa biriktirip, Ulytaýda ordasyn tikken Joshy oǵlan beınesi Qazaq memlekettiginiń negizin qalaýshy – Joshy han dárejesine deıin kóteriledi.
-Qutty bolsyn! Óte keremet qoıylym boldy. Shyn máninde, pesanyń taqyryby óte mańyzdy, ózekti. Mundaı týyndylar halqymyz úshin qajet dep oılaımyn. Pesanyń tili, mátini óte jaqsy jazylǵan. Ártisterdiń bári jaqsy oınady. Sheberligi myqty eken. Bizdiń tarıhymyzdy, tarıhı qundylyqtarymyzdy qazirgi tańda halyq arasynda keńirek dáripteýimiz kerek. Keıbireýler qazaqtardyń óz tarıhy, memleketi, eli bolmaǵan degen sózder aıtyp júr. Ol – bizdiń tarıhymyzdy burmalaý. Ónerlerińiz qashanda tabysty bolsyn. Barshańyzǵa amanshylyq tileımin, dedi Memleket basshysy.
