Elimizde 23 maýsym elimizde memlekettik qyzmetshi kúni bolyp esepteledi
2003 jyldyń naýryzynda BUU Bas Assambleıasy 23 maýsymdy Memlekettik qyzmet kúni dep jarıalaǵan qarar qabyldaǵan edi. Qazaqstan bul merekeni 10 jyldan keıin bekitti – 2013 jyly 23 maýsym Qazaqstanda da Memlekettik qyzmetshiler kúni atandy. Al 2014 jyldan bastap bul kún kásibı mereke retinde toılana bastady.
Aıta keteıik, bıyl naýryz aıynda Memleket basshysy «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» Zańǵa qol qoıǵan.
Bul qujat memlekettik saıası qyzmetshilerdiń jaýapkershiligin kúsheıtý jáne sybaılas jemqorlyq qylmystarynyń aldyn alýǵa qatysty normalardy qamtyǵan. Sondaı-aq zańda memlekettik organdarǵa kelisimsharttyq qyzmetshilerdi jumyldyrýǵa jáne rotasıalaý tetigin jetildirýge qatysty erejeler de bar.
2023 jyldyń 1 qańtaryndaǵy jaǵdaı boıynsha, memlekettik qyzmetshiler sany 90 myńnan asady. Memlekettik qyzmettegi áıelderdiń úlesi 55,4 paıyzǵa jetti.