Prezıdenttiń qatysýymen el Táýelsizdiginiń 30 jyldyǵyna arnalǵan saltanatty jıyn ótti
Táýelsizdiktiń 30 jyldyǵyna arnalǵan saltanatty is-sharada Qazaqstan Respýblıkasynyń Prezıdenti Qasym-Jomart Toqaev Jeltoqsan bozdaqtarynyń azattyq jolyndaǵy rólin, elimiz táýelsizdigin bir taban jaqyndatqan úlesin aıryqsha atap ótti, dep habarlaıdy Almaty-akshamy.kz.
«Keshegi Jeltoqsan qaharmandary biz úshin Táýelsizdikti bir taban jaqyndatqany anyq. Asqar taý alystaǵan saıyn asqaq kórinedi. Bizdiń babalarymyz qazaqtyń derbes memleket quryp, erkin ómir súrýge quqyly ekenin tarıh aldynda dáleldedi. Osylaısha, myńjyldyqtar toǵysatyn tusta azattyq týy kógimizde jelbiredi. Ulttyń eń uly muraty – Táýelsizdikke qol jetkizdik. Sol sátten bastap Qazaq eliniń uly kóshi bolashaqqa bet túzedi. Halqymyz óz memleketin qurýǵa kiristi. Bul – tarıhı ádildiktiń ornaýy», – dedi Qasym-Jomart Toqaev.