Qazaqstan Respýblıkasynyń Prezıdenti Qasym-Jomart Toqaev Astanadaǵy Iran Islam Respýblıkasynyń elshiligine baryp, Iran Prezıdenti Ibrahım Raısı men Úkimet delegasıasy músheleriniń tikushaq apaty saldarynan qaza tabýyna baılanysty ıran halqyna kóńil aıtty jáne qoldaý bildirdi, dep habarlaıdy almaty-akshamy.kz
Prezıdent Toqaev kóńil aıtý kitabyna jazba qaldyrdy. Jazbada ol kóńil aıtyp, Ibrahım Raısıdiń jáne úkimet delegasıasy músheleriniń mezgilsiz qazasy týraly qaraly habardyń qabyrǵany qaıystyrǵanyn jetkizdi. Ol Ibrahım Raısıdi óz ultynyń uly perzenti, Otanyna adal qyzmet etken tuǵyrly tulǵa dep atady.
«Iran Islam Respýblıkasynyń Prezıdenti Ibrahım Raısıdiń jáne Úkimet delegasıasy músheleriniń mezgilsiz qazasy týraly qaraly habar qabyrǵamyzdy qaıystyrdy. Óz ultynyń uly perzenti Ibrahım Raısı – Otanyna adal qyzmet etken tuǵyrly tulǵa. Biz ony parasatty basshy, bedeldi saıasatker, eki eldiń yntymaqtastyǵyn nyǵaıtýǵa zor eńbek sińirgen qaıratker retinde árdaıym este saqtaımyz. Qazaq halqynyń jáne ózimniń atymnan ırandyq baýyrlarymyzǵa qaıǵyryp kóńil aıtamyn. Marqumdardyń ımany salamat, rýhy peıishte bolsyn!» – dep jazdy Memleket basshysy.
Bul qadam Qazaqstan men Iran arasyndaǵy dostyq jáne yntymaqtastyq baılanystaryn nyǵaıtýǵa baǵyttalǵan mańyzdy qadamdardyń biri bolyp tabylady.