Almaty polısıasy 3 turǵynǵa urlanǵan kólikterin qaıtardy.
Jábirlenýshilerdiń biri áleýmettik jeli arqyly polıseılerge alǵysyn bildirdi, dep habarlaıdy Almaty-akshamy.kz Polisia.kz-ke silteme jasap.
"Meniń urlanǵan kóligimdi izdeýge qatysqan barlyq qyzmetkerlerge alǵysymdy bildiremin", – dedi kólik ıesi.
Krımınaldyq polısıanyń málimetinshe, 33 jastaǵy er adam úsh urlyqqa jáne eki páterdi tonaǵan degen kúdikpen ustaldy.
" Úsh sheteldik avtokólik tabylyp, óz ıelerine qaıtaryldy. Kúdiktiniń eki páter tonaýǵa qatysy bar ekendigi belgili boldy: urlyq jasamas buryn ol bóten adamdardyń úıine kirip, kóliktiń kiltin urlap, ketip qalǵan. Kúdikti qazir qamaýda. Onyń jeke basy basqa da yqtımal epızodtarǵa qatysy bar-joǵyna tekserilip jatyr, – dep túıindedi Almaty qalalyq polısıa departamenti bastyǵynyń orynbasary Qýatbek Naýatov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.