Atqaryp jatqan jumystary týraly málimet berildi.
Qasym-Jomart Toqaevqa mınıstrliktiń byltyrǵy jumysynyń qorytyndylary men bıylǵy atqaratyn negizgi mindetteri jaıynda baıandaldy, dep habarlaıdy Almaty-akshamy.kz Aqordanyń resmı saıtyna silteme jasap.
Qaıyrbek Óskenbaev Prezıdentke otandyq óńdeý ónerkásibin damyta otyryp, jańa jumys oryndaryn ashý jónindegi tapsyrmalarynyń oryndalý barysy týraly aıtty. Memleket basshysy halyqty jumyspen qamtıtyn jańa óndiris oryndaryn ashýdyń mańyzdy ekenin atap ótti.
Qasym-Jomart Toqaevqa memlekettiń ınfraqurylymdaryn teńdeı qoljetimdi qylý jáne otandyq óndirýshilerdi shıkizatpen qamtamasyz etý úshin mınıstrliktiń atqaryp jatqan jumystary týraly málimet berildi.
Kezdesý qorytyndysy boıynsha Prezıdent qurylys salasyn damytý jáne ony monopolıadan tazartý, ınvestısıa tartý, jańa ónerkásiptik kásiporyndar ashý, kólik áleýetin kúsheıtý, Qazaqstan aýmaǵy arqyly ótetin tranzıttik tasymal kólemin arttyrý, sondaı-aq ónerkásip, kólik jáne qurylys salalaryn sıfrlandyrý jóninde birqatar tapsyrma berdi.