Óskeleń urpaqtyń keleshegine tıimdi ınvestısıa
Balalarynyń bolashaq oqýyn osy bastan oılaǵan qazaqstandyqtar 22 myńǵa tarta depozıt ashty. «Aqyl» memlekettik bilim berý jınaqtaý júıesine qatysty aqparatpen eldiń Bilim jáne ǵylym mınıstrliginiń qarjy ortalyǵynyń basqarma tóraǵasy Asqar Ibraımov bólisti, dep habarlaıdy Almaty-akshamy.kz Qazaqtv.com saıtyna silteme jasap.
Onyń aıtýynsha, búginde 31 mlrd teńgege jýyq salym jasalǵan.
Esterińizge sala keteıik, eldiń kez kelgen azamaty óziniń nemese balasynyń atyna depozıt asha alady. Bul rette kóregen ata-ana banktik syıaqydan bólek 5-ten 7% deıin memlekettik syıaqy alatyn bolady. Jınaqtalǵan qarajat tek oqý aqysyn tóleýge jumsalýy kerek. Otandyqpen qatar sheteldik oqý oryndaryn tańdaýǵa múmkindik qarastyrylǵan.
«Bul rette, eger bala joǵarǵy oqý ornyna grantqa túsetin bolsa, onda barlyq syıaqyny qosa, ıaǵnı jınalǵan qarajattyń tolyq kólemi salymshynyń menshiginde qalatynyn jáne ol ony sheship alǵanǵa deıin basqara alatynyn aıtý kerek. Eń bastysy, bul depozıt Qazaqstannyń kepildik berý qorymen saqtandyrylǵan, sondaı-aq memlekettik organdar jáne úshinshi tulǵalar tarapynan da kez kelgen tyıym salýlar men shekteýler salýdan zańnamamen qorǵalǵanyn erekshe atap ótý qajet», - deıdi QR BǴM Qarjy ortalyǵynyń basqarma tóraǵasy Asqar Ibragımov.
.