Balalarǵa zor densaýlyq, baq-bereke tiledi.
Memleket basshysy Qasym-Jomart Toqaev Halyqaralyq balalardy qorǵaý kúnine oraı qazaqstandyqtarǵa quttyqtaý joldady, dep habarlaıdy Almaty-akshamy.kz Aqordaǵa silteme jasap.
«Qurmetti otandastar! Halyqaralyq balalardy qorǵaý kúni – erekshe qýanysh pen meıirimge toly shýaqty meıram. Balanyń kúlkisi men baqytynan artyq eshteńe joq ekenin osy merekede bárimiz aıqyn sezinemiz. Óskeleń urpaqtyń jan-jaqty damýyna qolaıly jaǵdaı jasaý – memleketimizdiń basty mindetiniń biri. Biz zamanaýı mektepter men jaıly balabaqshalar salyp, ınovasıalyq ortalyqtar, oqýshylar saraılaryn jáne sport keshenderin ashyp jatyrmyz. Úıirmeler men seksıalar da uıymdastyrylǵan. Balalar jyly aıasynda kóptegen jańa jobalar qolǵa alyndy. Árbir balanyń talabyn ushtap, darynyn ashýdy kózdeıtin túrli is-sharalar júzege asyrylýda. Memleket jyldan-jylǵa bul baǵyttaǵy jumysty kúsheıte túsedi. Óıtkeni jas urpaqtyń myqty azamat bolyp ósýi elimizdiń turaqty damýyna jáne baıandy bolashaǵyna jol ashady. Jas qazaqstandyqtardy jáne barsha jurtty osy jarqyn merekemen quttyqtaımyn! Sizderge zor densaýlyq, baq-bereke tileımin!» - delingen Prezıdent quttyqtaýynda.