Kezdesý barysynda yntymaqtastyqtyń ózekti máseleleri talqylandy.
Qasym-Jomart Toqaev Iraklıı Garıbashvılıge iltıpat bildire otyryp, ekijaqty yntymaqtastyqtyń qarqyndy damyp kele jatqanyn, sondaı-aq birlesken kúsh-jigerdi jumyldyrýdyń mańyzdy ekenin atap ótti, dep habarlaıdy Almaty-akshamy.kz Aqordanyń baspasóz qyzmetine silteme jasap.
«Sizdiń saparyńyz tabysty bolady dep úmittenemin. Saparyńyzdyń baǵdarlamasy óte tyǵyz ekenin, Qazaqstan men Grýzıa arasyndaǵy yntymaqtastyqty damytýǵa tyń serpin beretin birqatar kezdesý josparlanǵanyn bilemin. Bizdi dostyq jáne kópjaqty yntymaqtastyqtyń berik arqaýy baılanystyratynyn aıtqym keledi. Bizdiń mindetimiz – osy dostyq qarym-qatynastardy jalǵastyrý jáne odan ári damytý», – dedi Prezıdent.
Kezdesý barysynda Qazaqstan men Grýzıa arasyndaǵy saýda-ekonomıkalyq, ınvestısıalyq jáne gýmanıtarlyq yntymaqtastyqtyń ózekti máseleleri talqylandy.
Sonymen qatar olar kólik-logıstıkalyq is-qımyldarǵa da erekshe nazar aýdardy. Kórshiles Qytaıǵa tikeleı shyǵatyn múmkindigi bolǵandyqtan, Qazaqstan óz naryǵyn Ortalyq Azıaǵa ashylatyn qaqpa retinde qarastyrýdy usynady. Memleketter aımaq elderi arasyndaǵy baılanystardy nyǵaıtý úshin zor mańyzy bar Transkaspıı halyqaralyq kólik baǵyty boıynsha seriktes sanalady.
Iraklıı Garıbashvılı kezdesýge múmkindik bergeni úshin Qasym-Jomart Toqaevqa rızashylyǵyn bildirip, óz eliniń yntymaqtastyqty nyǵaıtýǵa múddeli ekenin taǵy da naqtylady.
«Bizdiń dostyq jáne kópjaqty yntymaqtastyǵymyz jaqsy damyp keledi. Men mańyzdy máselemen keldim. Ekijaqty qatynastardy damytýǵa, barlyq sala boıynsha baılanystardy keńeıtýge múddelimiz. Elderimiz arasyndaǵy taýar aınalymy ulǵaıyp keledi. Birinshi jartyjyldyqta bul baǵyttaǵy kórsetkish 150 paıyzǵa ósti. Árıne, baılanystardy keńeıtý úshin áleýetimiz mol. Biz ózara qarym-qatynastardy, yntymaqtastyqty jáne dostyqty baǵalaımyz», – dedi Grýzıa Premer-Mınıstri.
Kezdesý sońynda Memleket basshysy Qasym-Jomart Toqaev Grýzıa Prezıdenti Salome Zýrabıshvılıge sálemin joldady.