Qalada polısıa qyzmetkerleri biryńǵaı sap túzep júrip ótti.
Almaty qalasy Polısıa departamentiniń bastyǵy Arystanǵanı Zapparovtyń qatysýymen PD Avtosharýashylyǵynda patrúldik polısıa polki men JQAJ jeke quramy biryńǵaı sap túzep júrip ótti, dep habarlaıdy Almaty-akshamy.kz Polisia.kz-ke silteme jasap.
"Patrúldik polısıa – qaladaǵy tártip pen jol qaýipsizdigin qamtamasyz etetin negizgi bólimshelerdiń biri. Qylmystardyń kóbin “izin sýytpaı” táýlik boıy jumys isteıtin osy qyzmettiń qyzmetkerleri ashady. Saptyq baıqaý barysynda qyzmetkerlerdiń kıimderin, kólikterdiń jaǵdaıyn, sondaı-aq qaladaǵy quqyq qorǵaý qyzmetiniń sapasyna áser etetin tehnıkalyq quraldardy tekserdim. Sonymen qatar, ınspektorlarǵa sybaılas jemqorlyqtyń kez kelgen kórinisterine qatysty ymyrasyz ustanymdaryn eske salý óte mańyzdy boldy. Biz olardan azamattardyń qaýipsizdigi men ıgiligi úshin adal jáne rıasyz eńbek etýdi talap etemiz. Memleket minsiz jumys isteýge barlyq jaǵdaıdy jasap otyr: búginde patrúldik polısıa men JQAJ – jaqsy materıaldyq-tehnıkalyq jaraqtandyrylǵan qyzmetter. Bul olardyń oqıǵalardan habardar bolyp, qylmysqa qarsy turýyna múmkindik beredi", – dedi Arystanǵanı Zapparov.
Biryńǵaı sap túzeý kezinde qaladaǵy qoǵamdyq tártipti qorǵaýǵa kúndelikti aralasatyn patrúldik polısıa bólimsheleri men JQAJ qyzmetkerleri kezekshilik kúnindegi sońǵy aqparatty estidi.
"Qaladaǵy tártip pen azamattardyń amandyǵy polısıanyń qalaı jumys isteıtinine baılanysty. Qazir biz qyzmet kórsetý úlgisine qaıta baǵdarlandyq jáne bul durys. Polısıa qyzmetkerleriniń azamattarmen tyǵyz baılanysta bolýy óte mańyzdy, ýchaskelik qyzmetkerler óz aımaǵyndaǵy árbir turǵyndy bilip, olardy eń kóp mazalaǵan nársege qyzyǵýshylyq tanytýy kerek. Mundaı qyzmet kórsetý formaty qazirdiń ózinde oń nátıjesin berýde", – dedi Arystanǵanı Zapparov.