Qazaqstan Germanıa kompanıalaryn elimizge tartý úshin qolaıly jaǵdaı jasaýǵa daıyn.
Kezdesý barysynda Qazaqstan men Germanıa arasyndaǵy saýda-ekonomıkalyq jáne ınvestısıalyq yntymaqtastyq máseleleri talqylandy, dep habarlaıdy Almaty-akshamy.kz Aqorlaǵa silteme jasap.
Memleket basshysy Germanıa Úkimeti men bıznesi ókilderine iltıpat bildire otyryp, elimiz energetıka, ónerkásip, aýyl sharýashylyǵy, kólik jáne logıstıka, bilim, ǵylym jáne tehnıkalyq baǵyttaǵy kadrlardy daıarlaý sıaqty negizgi salalar boıynsha seriktestikti tereńdetýge múddeli ekenin atap ótti. Qazirgi ýaqytta Úkimet 800 áleýetti ınvestısıalyq jobadan quralǵan jobalar pýlyn ázirledi. Sondaı-aq Qazaqstan Germanıa kompanıalaryn elimizge tartý úshin qolaıly jaǵdaı jasaýǵa daıyn.
«Germanıa – Qazaqstannyń Eýropa Odaǵyndaǵy eń mańyzdy seriktesi. Qazaqstanda Germanıa kapıtalynyń úlesi bar 600-den astam kásiporyn tabysty jumys istep jatyr. Saýda-sattyqty arttyryp, ınvestısıa kólemin ulǵaıtý úshin mol áleýet bar», – dedi Qasym-Jomart Toqaev.
Sonymen qatar Prezıdent Germanıanyń tehnıkalyq mamandyqtar boıynsha kadr daıarlaý tájirıbesine qyzyǵýshylyq bildirdi. Atap aıtqanda, Qazaqstan otandyq mamandardyń deńgeıin kóterý úshin Germanıanyń tehnıkalyq ınstıtýttary ókildikterin, zerthanalaryn, ǵylymı jáne quzyret ortalyqtaryn ashý múmkindigin qarastyryp jatyr.
Delegasıa basshysy Qazaqstan men Germanıanyń úkimetaralyq komısıasynyń teń tóraǵasy Domınık Shnıhels eki eldiń memlekettik organdary men bıznes qurylymdary arasyndaǵy is-áreket deńgeıine joǵary baǵa berdi. Sondaı-aq ol germanıalyq kompanıalarmen jumys isteıtin Úkimettegi arnaýly toptyń tıimdiligin atap ótti. Delegasıa ókilderi nemis bıznesi Transkaspıı kólik dálizin damytýǵa, ken oryndaryn ıgerýge jáne energetıkalyq sektordaǵy yntymaqtastyqty nyǵaıtýǵa qyzyǵýshylyq bildiretinin jetkizdi.