Memleket basshysy Fransıa Prezıdenti Emmanúel Makronmen birge «Etnoaýyl» ulttyq kórmesin aralady, dep habarlaıdy almaty-akshamy.kz
Fransıa Prezıdenti Emmanúel Makronnyń Qazaqstanǵa resmı saparyna oraı halqymyzdyń baı mádenı murasymen tanystyratyn arnaıy «Etnoaýyl» kórmesi uıymdastyryldy.
▪️Memleketter basshylary bastaǵan delegasıany kórme alańynda Jas kórermender teatrynyń ártisteri men «Qorqyt» etno-folklorlyq ansambli án shashýmen qarsy aldy.
▪️Fransıadan kelgen joǵary mártebeli meımandar jemis-jıdekpen bezendirilgen «Kók bazardy», qolóner buıymdaryn jáne qazaq sýretshileriniń kartınalaryn, sondaı-aq otandyq dızaınerler ázirlegen ulttyq sán úlgileriniń defılesin tamashalady.
▪️Sonymen qatar sheteldik qonaqtarǵa Ulttyq mýzeı qoryndaǵy eksponattardan («Altyn adam», «Berel jylqysy», «Sarmat kósemi», «Qypshaq jaýyngeri» t.b) jasaqtalǵan «Uly dala altyny» ekspozısıasy, Yqylas Dúkenuly atyndaǵy murajaıdaǵy ulttyq mýzykalyq aspaptar tanystyryldy.
▪️Etnoaýyl aýmaǵynda Qasym-Jomart Toqaev pen Emmanúel Makronǵa balýandarymyz qazaq kúresiniń ádis-tásilderin, jas jetkinshekter asyq oıynyn, al saıatshylar men qusbegiler tazy ıtteri men qyran qustaryn kórsetip, halqymyzdyń ańshylyq dástúri týraly áńgimelep berdi.
@ptrkkz