Qazaqstan men Belarýs memleketter basshylary telefon arqyly sóılesti
Prezıdent Qasym-Jomart Toqaev Belarýs Respýblıkasynyń Prezıdenti Aleksandr Lýkashenkomen telefon arqyly sóılesti, dep habarlaıdy Almaty-akshamy.kz. Akorda.kz saıtyna silteme jasap.
Memleketter basshylary Qazaqstan men Belarýs qarym-qatynasynyń negizgi aspektilerin talqylady.
Prezıdentter eki el arasyndaǵy saýda-ekonomıkalyq damýdyń oń dınamıkasyn atap ótti.
Eki el basshylary halyqaralyq jáne aımaqtyq kún tártibiniń ózekti máseleleri boıynsha da pikir almasty. Qazaqstan men Belarýs Respýblıkasynyń Eýrazıa keńistigindegi ıntegrasıalyq qurylymdar aıasynda ózara yntymaqtastyǵyna erekshe nazar aýdaryldy.
Áńgime sońynda Qasym-Jomart Toqaev Aleksandr Lýkashenkony týǵan kúnimen quttyqtady.