Ótken demalys kúnderi Almaty joldarynda 36 túngi jarysqumarlar ustalǵan.
Polısıa saqshylary ótken demalys kúnderi qala joldarynda jarysqa túskendi jaqsy kóretin 40 jýyq kólik júrgizýshilerin ustady, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimetter boıynsha, osynshama avtokólik júrgizýshileri ózderiniń kólikterin «jarysqa» beıimdep jasap alǵan, olar tútin shyǵatyn júıege kúrkiregen áser týdyratyn rezonatorlar ornatqan.
Mamandardyń aıtýynsha, bul kólikter arnaıy aıyppul turaǵyna qoıyldy. Al olardyń ıelerine qatysty QR ÁQbK-niń 590-baby 5-bóliginde kózdelgen quqyq buzýshylyq negizinde ákimshilik hattamalar jasaldy. Sonymen qatar maqsatty is-sharaǵa qatysatyn qyzmetkerlerdiń nazary, jalpy alǵanda, qaladaǵy jol qozǵalysy jaǵdaıyna teris áser etetin basqa da jol qozǵalysy erejelerin óreskel buzýshylyqtardy anyqtaýǵa baǵyttalǵan.
«Ótken mereke jáne demalys kúnderi mas kúıinde kólik júrgizgen 10 júrgizýshi ustalyp, kólik quralyn basqarýdan bosatyldy, taǵy eki júrgizýshi kólik aıdaý quqyǵynan aıyrylǵan bola tura, kólik tizginine otyrǵan. Aldyńǵy áınekteri qarańǵylanǵan 76 avtokólik, jalǵan memlekettik tirkeý nómirimen júrgen tórt kólik anyqtaldy, memlekettik tirkeý nómirlik belgisi joq 23 kólik ustaldy. Sondaı-aq agressıvti kólik júrgizýdiń taǵy segiz jankúıeri jaýapqa tartyldy, – dedi Almaty qalasy PD jergilikti polısıa qyzmeti basqarmasynyń bastyǵy Manap Sattarov.
/p>