Prezıdent Qasym-Jomart Toqaev Ilham Álıevke Mańǵystaý oblysynda Ázerbaıjannyń áýe joldary ushaǵy apatqa ushyrap, ekıpaj músheleri men jolaýshylardyń qaza tapqany týraly sýyt habardy tereń kúızelispen qabyldaǵanyn jetkizdi, dep habarlaıdy aqshamnews.kz
«Orny tolmas aýyr qaıǵyǵa ortaqtasa otyryp, Sizge, qaza tapqan azamattardyń týǵan-týystaryna jáne barsha Ázerbaıjan halqyna kóńil aıtamyn. Meniń tapsyrmammen Qazaqstan Úkimeti memlekettik komısıa qurdy. Komısıa qutqarý operasıasy aıasynda tıisti sharalar qabyldap, Ázerbaıjan tarapyna qajetti kómek kórsetedi», – delingen jedelhatta.