Mańǵystaý oblysynyń densaýlyq saqtaý basqarmasynyń málimetinshe, zardap shekkenderdiń sany 29 adamǵa jetti, olardyń 27-si aýrýhanaǵa jatqyzyldy. Reanımasıada aýyr halde 11 adam bar, dep habarlaıdy aqshamnews.kz
Oblystyq balalar aýrýhanasynda dárigerler eki qyzdy ota jasaýǵa daıyndaýda. Pasıentter:
- Marıam Arsbaeva, 11 jasta. Aldyn ala dıagnoz: jabyq bas súıek-mı jaraqaty, mı shaıqalýy, bet, muryn, jambas aımaǵynyń jaraqattary men kógerýi, jambas súıekteriniń synýy.
- Salıhat Djerova, 16 jasta. Aldyn ala dıagnoz: jabyq bas súıek-mı jaraqaty, mı shaıqalýy, sol jaq jilinshik súıeginiń yǵysýymen ashyq synýy, birinshi-ekinshi dárejeli jaraqattyq shok.
Oqıǵa ornyna 22 jedel járdem brıgadasy, apat medısınasy ortalyǵynyń alty brıgadasy jáne tórtinshi dárejeli jedeldik sanatyndaǵy eki brıgada jiberildi.