Kezdesý barysynda din salasyndaǵy memlekettik saıasat máselelerine sóz boldy.
Kezdesýde Qasym-Jomart Toqaev Pravoslav shirkeýiniń Qazaqstanda birlik pen kelisimdi nyǵaıtýǵa qosqan úlesin joǵary baǵalap, din salasyndaǵy memlekettik saıasat máselelerine toqtaldy, dep habarlaıdy Almaty-akshamy.kz Aqordaǵa silteme jasap.
Memleket basshysy Qazaqstan mıtropolıttik aımaǵynyń etnosaralyq jáne konfesıaaralyq dıalogty damytý, adamgershilik qundylyqtardy ilgeriletý jolynda aýqymdy jumys atqaryp jatqanyn atap ótti.
Prezıdent qyrkúıek aıynda álemdik jáne dástúrli dinder kóshbasshylarynyń VII sezi ótetinin aıtty. Onyń basty taqyryby – adamzattyń pandemıadan keıingi kezeńdegi rýhanı jáne áleýmettik damýynda dinı kóshbasshylardyń atqaratyn róli. Qasym-Jomart Toqaev Patrıarh Kırılldiń atalǵan forýmǵa qatysýy jahandyq dinaralyq jáne órkenıetaralyq dıalogqa tyń serpin beretinine senim bildirdi.
Óz kezeginde mıtropolıt Aleksandr Memleket basshysyna kezdesýge múmkindik bergeni úshin alǵys bildirip, Qazaqstan halqynyń ıgiligi jolyndaǵy jańǵyrýǵa baǵyttalǵan jasampaz reformalardy qoldaıtynyn jetkizdi.