Prezıdentke ádilet organdary qyzmetiniń nátıjeleri jáne aldaǵy kezeńge arnalǵan jospary týraly esep berilip, reforma júrgiziletin baǵyttar tanystyryldy.
Mınıstr Qylmystyq jáne Qylmystyq-prosestik kodeksterdi tekserýdiń aıaqtalǵanyn málimdedi. Osy rette 1000-nan astam bap pen 1200 usynysqa taldaý júrgizildi. Nátıjesinde azamattar men kásipkerler quqyqtarynyń qorǵalýyn kúsheıtý máselelerin eskeretin jáne bıznesti negizsiz qylmystyq qýdalaýǵa jol bermeıtin tıisti zań jobasy ázirlendi, dep habarlaıdy Almaty-akshamy.kz Aqordanyń resmı saıtyna silteme jasap.
Azamat Esqaraevtyń aıtýynsha, zańnamanyń sapasyn arttyrý úshin keshendi sharalar qabyldanyp jatyr. Atap aıtqanda, zań jobasy qyzmeti máseleleri jónindegi vedomstvoaralyq komısıanyń jumysyn jandandyrý, ǵalymdardy keńinen tarta otyryp, zańnamanyń turaqtylyǵyn qamtamasyz etý, reformalardy aqparattyq turǵyda qoldaýdy kúsheıtý jónindegi is-sharalardy júzege asyrý kózdelgen.
Sonymen qatar Prezıdent Ádilet mınıstrligine qarasty máseleler men kórsetiletin memlekettik qyzmetterdi avtomattandyrý jáne sıfrlandyrý sharalaryn qamtıtyn 12 jobamen tanysty.
Kezdesý sońynda Qasym-Jomart Toqaev mınıstrlikke júktelgen mindetterdiń sapaly iske asyrylýynyń mańyzdylyǵyna nazar aýdaryp, zańnamany odan ári jetildirýge jáne azamattardyń quqyqtaryn qorǵaýdy kúsheıtýge baǵyttalǵan birqatar tapsyrma berdi.