Almatynyń Túrksib aýdanynda urlyq jasady degen kúdikke ilingen eki azamat ustaldy.
Aldyn ala málimet boıynsha, birer saǵattyń ishinde jigitter qalanyń ár aýdanynda eki qylmys jasaǵan, dep habarlaıdy Almaty-akshamy.kz Polisia.kz-ke silteme jasap.
Túngi ýaqytta qaskóıler ótip bara jatqan adamǵa shabýyl jasady: onyń basynan uryp, úsh telefon men aqsha salynǵan sómkeni alyp ketti. Birneshe saǵattan keıin kúdiktiler dál osyndaı qylmysty qalanyń tómengi bóliginde jasady.
«Jedel izdestirý is-sharalaryn júrgizý barysynda bizdiń bólimsheniń ýchaskelik ınspektorlary baǵdardan alynǵan belgiler boıynsha kúdiktilerdi ustady. Olar – 1993 jyly týǵan A.esimdi azamat jáne 1990 jylǵy K.esimdi azamat. Olardyń biri Astana qalasynda bótenniń múlkin urlaǵany úshin izdeýde bolǵan. Atalǵan derekter boıynsha QR QK-niń 188-baby 3-bóligine sáıkes, qylmystyq is tirkeldi. Urlanǵan zattar: telefondar, qol saǵattar jáne aqsha aıǵaq retinde qylmystyq iske qosyldy», – deıdi Túrksib aýdandyq polısıa basqarmasynyń bastyǵy Erkin Amantaev.
Qylmystyq is boıynsha basqa da málimetter QR QPK-niń 201-baby jáne QR Konstıtýsıasynyń normalaryna sáıkes jarıa etýge jatpaıdy.