2022 jyldyń 16 qarashasynda QR Prezıdenttigine Jalpyulttyq sosıal-demokratıalyq partıasy atynan kandıdat Nurlan Áýesbaev elordadaǵy «Jumbaqtas» qonaq úıiniń konferens-zalynda saılaýshylarmen kezdesti.
İs-shara barysynda jınalǵan qaýymǵa óziniń saılaýaldy baǵdarlamasynyń basym baǵyttary jóninde baıandap berdi.
Nurlan Áýesbaevtyń pikirinshe, memleket aldynda turǵan basty mindet – saıası júıe reformasy. Qazaqstan parlamenttik-prezıdenttik basqarý úlgisine ótýi tıis. Iaǵnı, prezıdent ókilettigin qaıta qarastyrý qajet.
Memleket basqarýdaǵy basty ról Parlamentke tıesili bolýy tıis. Zań shyǵarýshy bul organdy qaıta jasaqtaý qajet. Bul maqsattaǵy alǵashqy qadam Senatty joıýmen aıqyndalady. Májilisti kúsheıtpek kerek. Buǵan qol jetkizý úshin JSDP-dan kandıdat Májilis depýtattarynyń sanyn kóbeıtýdi usynady. Sonymen birge depýtattardyń 50%-y ǵana partıa tizimderi boıynsha saılanýy tıis. Halyq qalaýlylarynyń teń jartysy bir mandattyq okrýgtardan, ózin-ózi saılaýshylardan quralýy qajet. Bul parlamentarııdiń elektorat aldyndaǵy jaýapkershiligin arttyrady.