Qoldaý jyl saıyn artyp keledi.
Qazaqstannyń aýyl sharýashylyǵyn qoldaýǵa 400 mıllıard teńgeden astam qarjy bólindi, dep habarlaıdy Almaty-akshamy.kz
Aýyl sharýashylyǵy vıse-mınıstri Erbol Tasjúrekov aýyl sharýashylyǵy salasyna memlekettik qoldaýdyń jalpy kólemi jyl saıyn artyp kele jatqanyn aıtty.
Bıyl salany sýbsıdıalaýǵa 400 mıllıard teńgeden astam qarjy bólingen. Sondaı-aq memleket jekelegen taýar toptaryn óndirýge ketetin shyǵyndy azaıtatyny málim boldy.
Deldaldyq baǵdarlamaǵa taýar óndirýshilerdi kóbirek tartý jáne aýyl sharýashylyǵy taýaryn óndirýshiler men qaıta óńdeýshilerdi qarjylandyrýdy ulǵaıtý maqsatynda úlgilik erejelerde qarjylandyrýdyń 70 paıyzyn baǵyttaý talaby belgilengen.
Buǵan deıin Qazaqstanda sýbsıdıa alý erejeleriniń tym jıi ózgerýi narazylyq týdyrǵany habarlanǵan bolatyn.