El úzdikteri anyqtaldy.
4 jylda bir ótetin baıraqty básekege barlyq aımaqtan 300-ge jýyq qatysýshy jınaldy. Olar 3 kún boıy ózara synǵa tústi. Nátıjesinde jalpy esepte Shyǵys Qazaqstan oblysynyń quramasy top bastady. Olar 16 altyn, 4 kúmis jáne 5 qola jeńip aldy, dep habarlaıdy Almaty-akshamy.kz.
24.kz aqparatyna saı, úzdik úshtikke Qaraǵandy men Almatynyń komandalary kirdi. Atap aıtar bolsaq, 100 metrge júgirýde Vıtalıı Zems pen Olga Safronova, 400 metrde Efım Tarasov pen Aleksandra Zalýbovskaıa, orta jáne alys qashyqtyqtarda Rahymjan Kelmanov, Sergeı Sýhov, Aqbaıan Nurmamet sıaqtylar jeńimpaz atandy. Spartakıada aıasynda júgiristen bólek, kedergilermen júgirý, bıiktikke sekirý, uzyndyqqa sekirý, dısk laqtyrý, naıza laqtyrý jáne sporttyq júris, sonymen qatar jetisaıys pen onsaıys boıynsha da jarystar uıymdastyryldy.
«Spartakıada qorytyndysy boıynsha ulttyq qurama jasaqtalady. Keıin olar shilde aıynda Taılandta ótetin Azıa chempıonatyna qatysady. Artynsha kóp uzamaı, ıaǵnı 19 jáne 27 tamyz aralyǵynda Býdapeshtte álem chempıonaty bolady. Jyldyń qorytyndy jáne eń basty jarysy kúzde Qytaıda uıymadstyrylady. Iaǵnı, Jazǵy Azıa oıyndaryna da daıyndyqty qazirden bastap pysyqtaımyz», - deıdi jeńil atletıkadan Qazaqstan quramasynyń bas bapkeri Dmıtrıı Karpov.