Elimizde alǵash ret erekshe bilim berý qajettilikteri bar balalardy arnaıy psıhologıalyq-pedagogıkalyq qoldaý standarty ázirlendi. Memlekettik deńgeıde bilim berýdiń barlyq deńgeılerinde erekshe bilim berý qajettilikteri bar balalardy súıemeldeýge júıeli tásil bekitiledi.
«Erekshe bilim berý qajettilikteri bar balalardy keshendi qoldaý týraly» Zań jobasy ázirlenýde, ol otbasy men balany súıemeldeýge baǵyttalǵan vedomstvoaralyq tetikterdi qamtıtyn bolady.
Úzdiksiz ınklúzıvti bilim berýdiń ulttyq ortalyǵyn qurý boıynsha jumystar júrgizilýde. Elimizdegi mektepterdiń 90%-ın ınklúzıvti bilim alý úshin jaǵdaı jasalǵan, al balalardy arnaıy psıhologıalyq-pedagogıkalyq qoldaýmen qamtý 85%-ǵa jetti jetti. Arnaıy bilim berý uıymdarynyń jelisi 504 birlikke jetti. Mektepter janynan erekshe bilim berý qajettilikteri bar balalardy qoldaýdyń 121 kabıneti ashyldy.
2024 jyly bilim berý uıymdarynda zańnamany jetildirý sheńberinde:
➤ mektepke deıingi tárbıe men oqytý, tehnıkalyq jáne kásiptik bilim berý deńgeılerinde «pedagog-assıstent» shtat birligi engizildi;
➤ jalpy bilim berý uıymdarynyń úlgilik shtattary «arnaıy pedagog» laýazymy engizildi;
➤ tirek-qımyl apparaty buzylǵan balalardy fızıkalyq súıemeldeý úshin «bilim berý uıymdaryndaǵy jeke kómekshi» jańa laýazymy engizildi;
➤ psıhologıalyq-medısınalyq-pedagogıkalyq konsýltasıalardyń, psıhologıalyq-pedagogıkalyq túzetý kabınetteriniń, ońaltý ortalyqtarynyń jáne aýtızm spektri buzylǵan balalardy qoldaý ortalyqtarynyń jekelegen úlgilik shtattary bekitildi;
➤ aýtızmi bar balalardy qoldaý ortalyqtary «Damýynda problemalary bar balalar men jasóspirimderdi ońaltý jáne áleýmettik beıimdeý» memlekettik kórsetiletin qyzmet berýshilerdiń tizbesine engizilgen;
➤ aýtızmi bar balalarǵa arnalǵan túzetý komponenti mektepke deıingi tárbıe men oqytýdyń úlgilik oqý josparlaryna engizildi.
Elimizdiń 11 óńirinde 18-de psıhologıalyq-pedagogıkalyq túzetý kabınetteri erte qoldaý kabınetteri ashyldy. Biliktilikti arttyrý kýrstarymen erekshe bilim berý qajettilikteri bar balalarmen jumys isteıtin 10 myńnan astam pedagog qamtyldy.
TjKB uıymyna oqýǵa túsý kezinde múgedektigi bar adamdar qataryndaǵy azamattar úshin qabyldaý kvotasynyń mólsheri 1-den 10%-ǵa deıin ulǵaıtyldy.
Balalardy qorǵaýda jyldam ári qaýipsiz baılanys ornatý maqsatynda mektepter men kolejderde «111» baılanys ortalyǵyna qol jetkizýge múmkindik beretin QR-kodtar engizildi. Bul psıhologıalyq, quqyqtyq jáne áleýmettik kómekti jasyryn túrde alýǵa múmkindik beredi.
2025 jyly qamqorshylyq organdarynyń shtatyn 2,5 esege ulǵaıtý josparlanýda. Sonymen qatar endi jetim balalardyń tálimgerleri psıhologıalyq daıyndyqtan ótedi.
Budan bólek, memleket jekemenshik mektepterde oqıtyn bastaýysh synyp oqýshylaryn tegin tamaqpen qamtamasyz etýge 12 mlrd teńgeden astam qarajat bóldi. Psıhologıalyq qoldaý ortalyqtary bıyl 250 myńnan astam oqýshylar men olardyń otbasylaryna kómek kórsetti.