Oqý-aǵartý mınıstri Ǵanı Beısembaevtyń jańa buıryǵynyń jobasy ázirlendi.
Orys synyptarynda oqıtyn balalardyń memlekettik tildi bilýine qatysty talaptar kúsheıtiledi, dep habarlaıdy Almaty-akshamy.kz inbusiness.kz silteme jasap.
Mektepti «Altyn belgimen» bitirgen túlekterdiń basym bóligi memlekettik tilde sóılemeıdi. Sebebi, orys mektepterinde úzdik oqıtyn oqýshylar qazaq tilinen emtıhan tapsyrǵanda muǵalimder «Altyn belgi» úmitkerlerine kóbinese jumsaqtyq tanytady. Osyǵan baılanysty Oqý-aǵartý jańa mınıstri Ǵanı Beısembaevtyń jańa buıryǵynyń jobasy ázirlendi. 2008 jylǵy 18 naýryzdaǵy №125 buıryqqa ózgerister engiziledi.
«Memlekettik tildiń mártebesin arttyrý maqsatynda negizgi orta deńgeıde, ıaǵnı 5-8 synyptarda jáne jalpy orta deńgeıde, ıaǵnı 10 synypta qazaq tili boıynsha emtıhan engiziledi. Atap aıtqanda, 2023-2024 oqý jylynan bastap, osy synyptarda akademıalyq jyldy aıaqtaǵan kezde qazaq tilinde oqytatyn mektepterde – «Qazaq tili» páni boıynsha, al orys jáne basqa tilderde oqytatyn mektepterde – «Qazaq tili men ádebıeti» páni boıynsha emtıhan engiziledi», – dep qysqasha túsinik berdi mınıstrlik.
Bul rásim 2023 jylǵy 1 qyrkúıekten bastap qoldanysqa engiziledi.
Vedomstvo dereginshe, mektepterdiń joǵarǵy synyptaryndaǵy qazaq tili boıynsha jańa emtıhan oqý baǵdarlamasyn meńgerý qorytyndysy boıynsha jazbasha jáne aýyzsha nysanda qatar ótkiziledi. Onyń barysynda til úırenýdi baǵalaýdyń jańa formattary qoldanylady. Mysaly, orys jáne basqa tilde oqıtyn joǵarǵy synyp oqýshylary qazaqsha aýdıojazbany tyńdap, odan túsingenin aýyzsha baıandaýy, mátindi mánerlep oqýy, jazbasha tapsyrmalardy oryndaýy shart. Osylaısha, orys synyptarynda oqıtyn balalardyń memlekettik tildi bilýine, «Altyn belgi» úmitkerlerine qatysty talaptar kúsheıtiledi.