Ortalyq komýnıkasıalar qyzmeti alańynda Bilim jáne ǵylym mınıstri Asqat Aımaǵambetov mektepte jumys isteıtin barlyq qyzmetkerdiń jalaqysy kóteriletinin aıtty, dep habarlaıdy almaty-akshamy.kz
«Bilimdi ult» ulttyq jobasy aıasynda muǵalimderdiń jalaqysy ósedi dep aıtyldy. Desek te, mektepterde muǵalim sanatynan bólek mamandar da qyzmet etedi (eden jýýshy, aspaz, kúzetshi, t.b). Olardyń jalaqylaryn da osy joba aıasynda kóbeıtý qarastyrylǵan ba? – dep redaksıamyz mınıstrge saýal joldady.
Óz kezeginde BǴM basshysy Prezıdent tapsyrmasy aıasynda mektepte qyzmet etetin mamandardyń jalaqysy kóteriletinin aıtty.
Memleket basshysy Qasym-Jomart Toqaev óziniń Joldaýynda bul máseleni kóterip, Úkimetke tıisti tapsyrma berdi. Búgingi tańda áriptesterimiz osy tapsyrmany oryndaýmen aınalysyp jatyr. Árıne, Prezıdent bergen tapsyrma oryndalady. Sondyqtan jalaqysy kóterilýi kerek qyzmetkerlerdiń sanatyna mektepte isteıtin, mysaly, kitaphanashylar jáne basqa da qyzmetkerler kiredi, - dedi ol.
Mınıstr Asqat Aımaǵambetov bul másele Memleket basshysynyń bergen tapsyrmasy aıasynda iske asyrylatynyn aıtty.
Sondaı-aq, bas ustazdyń sózinshe, ulttyq jobany júzege asyrýǵa respýblıkalyq búdjetten 1,1 trln teńge bólý josparlanǵan. Qazir úshjyldyq búdjet bekitilip jatyr.