Bul jobanyń qyzmeti tegin.
Atalǵan joba mektep jasyndaǵy balalardyń zıatkerlik qabileti men qaı kásipke ıkemdi ekenin anyqtaýǵa múmkindik beredi, dep habarlaıdy Almaty-akshamy.kz
Ol úshin oqýshylar arnaıy testten ótedi. Keıinnen test nátıjesine sáıkes, psıholog mamandarmen keńese alady.
Osylaısha, mamandyq tańdaýda ekioıly bolyp júrgen balalar óz baǵytyn aıqyndaı alady. Qyzmet tegin jáne 10-11 jastaǵy oqýshylar úshin ǵana qoljetimdi. Al jobany uıymdastyrýshylar aldaǵy ýaqytta múmkindikti keńeıtetinin aıtty. Sonyń nátıjesinde kez kelgen jastaǵy mektep oqýshysy testten óte alatyn bolady.
«Testke oqýshylar óz erkimen qatysa alady, eshqandaı mindetteý joq. Testileý onlaın formatta ótedi, ol ata-ana men balaǵa yńǵaılap jasalǵan. Eger úıinde kompúter men smartfon joq bolsa, óńirlerdegi nemese osy Almatydaǵy «Daryn» ortalyǵyna kelip tapsyrýyna bolady», – dedi «Qabilet» qyzmetiniń pedagog-psıhology Jaınagúl Madenova.