Saltanatty shara tek birinshi synyp oqýshylary úshin ótetini aıtyldy.
Sanıtarlyq-gıgıenalyq talaptardy saqtaý maqsatynda saltanatty jıyn tek birinshi synyp oqýshylary úshin ótkiziledi, dep habarlaıdy Almaty-akshamy.kz Zhetysu Media-ǵa silteme jasap.
Zhetysu Media málimetterinde aıtylǵandaı, Almaty oblysynda 446 myń oqýshy mektep qabyrǵasynda bilim alady dep kútilýde. Onyń ishinde 46,5 myń bóbek alǵash ret mektep tabaldyryǵyn attamaq. Oqý jylyndaǵy basty másele – kitap. Bıyl birinshi synyp oqýshylary úshin 48 407 oqýlyq jıyntyǵy satyp alynǵan. «Informatıka» páni boıynsha jańa oqýlyqtardy 3 synyptyń 47669 oqýshysy, 7 synyptyń 43579 oqýshysy, 8 synyptyń 40902 oqýshysy alady.
Aıta keteıik, oqýlyqtar 12 baspadan jetkiziledi. Barlyq mektepte ár synypqa oqýlyqtardy berý úshin kúni men ýaqyty kórsetilgen.
Jańa oqý jylyndaǵy jańalyqtarǵa keler bolsaq, birinshi synypta «Álippe», «Ana tili», «Býkvar», «Saýattylyqqa oqytý», «Sıfrlyq saýattylyq» pánderi engiziledi.
«Pandemıaǵa deıin mektep formasyn kıý mindetti boldy. Biraq ótken jyly barlyq jaǵdaılardy eskere otyryp, oqýshylarǵa mektepke tek mektep formasynda ǵana emes, sonymen qatar klasıkalyq stıldegi kıimde de kelýge múmkindik beretin sheshim qabyldandy. Bıylǵy oqý jylynda taǵy bir jylǵa mektep formasyn kıýdi mindetti emes etý týraly sheshim qabyldandy. Balalar ýaqytsha, tek kelesi oqý jylynda mektepke mektep formasynda ǵana emes, sonymen qatar klasıkalyq stıldegi kıimde de bara alady», — Almaty oblysy bilim salasynda sapany qamtamasyz etý departamentiniń basshysy Sáýle Nurhanqyzy.