Forbes jýrnaly eń aýqatty aktrısany anyqtady.
«Jestokıe ıgry» jáne «Blondınka v zakone» fılmderi arqyly tanymal 45 jastaǵy Rız Ýızerspýn álemdegi eń baı aktrısa dep tanyldy. Bul jaıly Forbes jarıalady, dep habarlaıdy Almaty-akshamy.kz
Qazirgi ýaqytta aktrısanyń baılyǵy 400 mıllıon dollarǵa baǵalandy. Buǵan deıin ol óziniń Hello Sunshine óndiristik kompanıasyn 900 mıllıon dollarǵa satqan. Stýdıa «I povsúdý tleıýt pojary», «Bolshaıa malenkaıa loj» ı «Ischeznývshaıa» sıaqty tanymal jobalardy jasaǵan.
Ýızerspýn sonymen qatar kıno ındýstrıasyndaǵy eń kóp tólenetin juldyzdardyń biri. Serıaldyń bir epızody úshin ol kem degende 1 mıllıon dollar alady.
Ol prodúserlikpen de aınalysady jáne eýropalyq óndirýshilerdiń jıhazdary men ınterer zattaryn taratýmen aınalysatyn Crate & Barrel jarnamasyna túskeni úshin qomaqty aqy alady.
Ótken jyly Forbes álemdegi eń kóp tólenetin aktrısa dep Sofıa Vergarany ataǵan bolatyn. 2020 jyly ol 43 mıllıon dollar tapty. Úshtik qatarynda Andjelına Djolı men Gal Gadot bar.