Búgin Almaty qalalyq Bilim basqarmasynyń mamandary mektepke deıingi bilim berý basqarmasymen birlesip «№1 bóbekjaı-balabaqsha» bazasynda qala pedagogtaryna arnalǵan ádistemelik semınar ótti, dep habarlaıdy aqshamnews.kz.
Uıymdastyrýshylar atap ótkendeı semınar pedagogteri ózine-ózi qyzmet etý arqyly balalardy mektep ómirine daıyndaýǵa kómektesedi.
«Balalar tamaqtaryn ózderi quıyp, oryndaryna aparyp, tamaqtanady. Sodan keıin ózderi jınaıdy. Tárbıeshiler tamaq mólsherin, ústelge aparý kezinde balalardyń bir-birimen soqtyǵysyp qalmaýyn ǵana baqylaıdy. Japondyq ádisti engizý balalardyń ata-anasynyń kelisimimen iske asyrylady. Árıne, óz kezeginde bul ádis balalardyń birshama táýelsiz bolýyna múmkindik beredi», - dep bólisti «№1 bóbekjaı-balabaqshasynyń» meńgerýshisi Qarabalaeva Qymbat Álimbaıqyzy.
Aıtý kerek, pedagogtar arasynda tájirıbe almasý maqsatynda uıymdastyrylǵan is-shara quzyrettilik ortalyǵynyń jol kartasy men josparyn júzege asyrý jobasy aıasynda ótkizildi. Semınarǵa Almaty qalasy Bilim basqarmasynyń mektepke deıingi tárbıe jáne tárbıe bóliminiń basshysy men mamandary, mektepke deıingi resýrs ortalyǵynyń basshylary jáne balabaqsha meńgerýshileri men pedagogtary qatysty.