Almaty qalasynyń kolejderi qazirgi zaman aǵymyna saı damyp keledi. Osy oraıda, 2025 jyldyń 26 aqpanynda №2 Almaty gýmanıtarlyq-pedagogıkalyq kolejinde kásibı oqytý úderisine jasandy ıntellekt múmkindikteri sátti engizilýde, dep habarlaıdy aqshamnews.kz
Atalmysh shara «Jumysshy mamandyqtary jyly» aıasynda uıymdastyrylǵan is-sharalar josparyn júzege asyrý maqsatynda ótken «Pedagogıkalyq sheberlik mektebiniń jumysyn uıymdastyrý» atty qalalyq ádistemelik semınar barysynda talqylandy.
İs-sharanyń basty maqsaty – pedagogterdiń kásibı quzyrettiligin arttyrý jáne pedagogıkalyq qyzmet sapasyn kóterýge baǵyttalǵan ınovasıalyq ádister men tájirıbelerdi talqylaý. Semınarǵa Almaty qalasy Bilim basqarmasynyń Ǵylymı-ádistemelik jańa tehnologıalar ortalyǵynyń (ǴÁJTO) Tehnıkalyq jáne kásiptik bilim berý (TjKB) bóliminiń ókilderi, memlekettik kolej dırektorlarynyń ádistemelik jumys jónindegi orynbasarlary, ádiskerler men oqytýshylar qatysty. Qatysýshylar pedagogıkalyq sheberlik mektebin tıimdi uıymdastyrý jáne bilim berý úderisine jasandy ıntellektini engizý máseleleri boıynsha tájirıbe almasty.
Semınar aıasynda «Sıfrlyq bilim berý resýrstary men jasandy ıntellekt quraldary arqyly bilim alýshylardyń fýnksıonaldyq saýattylyǵyn qalyptastyrý jáne baǵalaý» taqyrybynda sheberlik sabaǵy ótkizildi. Shara barysynda spıkerler jasandy ıntellektini bilim berý salasynda sátti qoldaný tájirıbesimen bólisti. Trenıńtiń tájirıbelik bólimi pedagogterge bilim alýshylardyń fýnksıonaldyq saýattylyǵyn arttyrýǵa yqpal etetin zamanaýı sıfrlyq quraldarmen tanysýǵa múmkindik berdi.
Tehnıkalyq jáne kásiptik bilim berý bóliminiń basshysy Gúlnara Jálelqyzy Súleımenovanyń aıtýynsha, bul semınar pedagogıkalyq tájirıbe almasýdyń ózektiligi men qajettiligin kórsetip, kásibı qarym-qatynasty nyǵaıtýǵa, ári pedagogıkalyq sheberlikti jetildirý salasynda odan ári yntymaqtastyq ornatýǵa negiz bolady.
Qalalyq ádistemelik semınardyń ótkizilýi týraly tolyq aqparatty kolejdiń resmı saıtynan oqı alasyz: https://pedcollege2.edu.kz/