«Kúshimiz — birlikte».
Osyndaı taqyryppen «Órken» balalardyń ál-aýqatyn arttyrý ulttyq ǵylymı-praktıkalyq ınstıtýty «Qoǵamdyq kelisim» RMM-men birlesip, elordada semınar ótkizdi, dep habarlaıdy Almaty-akshamy.kz Oqý-aǵartý mınıstrligine silteme jasap.
«Balalar ombýdsmenderi balalardyń qoǵam men memleket ómirine tolyqqandy qatysý quqyǵyn iske asyrýǵa yqpal etedi, bul árbir mektep ombýdsmeniniń kámeletke tolmaǵandardyń quqyqtary men múddelerin qorǵaýǵa qosqan jeke úlesiniń mańyzdylyǵyn kórsetedi. Mektep ombýdsmenderi tipti eń eleýsiz is-árekettiń ulttyq aýqymdaǵy úlken ózgeristerge ákelýi múmkin ekenin túsinýi kerek», — deıdi «Órken» BÁAUǴPI prezıdenti Esenǵazy Imanǵalıev.
Semınardyń praktıkalyq bólimi barysynda «Órken» BÁAUǴPI-diń trenerleri men ǵylymı qyzmetkerleri mektep ombýdsmenderiniń kommýnıkatıvtik daǵdylaryn damytý maqsatynda jattyǵýlar ótkizdi.