Qujat 3 qazanǵa deıin «Ashyq NQA» saıtynda talqylaý úshin ornalastyrylǵan.
Densaýlyq saqtaý mınıstrligi mektep medısınasy qyzmetiniń standartyn ázirledi, dep habarlaıdy Almaty-akshamy.kz
Jobanyń maqsaty mektep medısınasyn uıymdastyrýdy retteý (mektep jasyndaǵy balalarǵa medısınalyq kómek kórsetý tártibi, usynylatyn shtat normatıvteri, usynylatyn materıaldyq-tehnıkalyq jaraqtandyrý jáne t.b.).
Orta bilim berý uıymy oqýshylarǵa dárigerge deıingi jáne bilikti medısınalyq kómek kórsetýge arnalǵan jeke kabınet (medısınalyq pýnkt) bóledi jáne ony jınaý men tehnıkalyq kútip-ustaýdy qamtamasyz etedi.
Medısınalyq pýnkt oqýshylar sany 50 oqýshyǵa deıin shaǵyn jınaqty mektepterden basqa, uıymǵa bir geyrn esebinen orta bilim berý uıymdarynda ashylady, - delingen qujatta.
Orta bilim berý uıymynda medısınalyq pýnkt bolmaǵan kezde oqýshylarǵa medısınalyq kómekti aýmaqtyq qaǵıdat eskerile otyryp, medısınalyq-sanıtarıalyq alǵashqy kómek uıymdary (MSAK) usynady.
Orta bilim berý uıymy oqýshylardyń ata-analarynyń (zańdy ókilderiniń) josparly tártippen vaksınasıa nemese basqa da medısınalyq qyzmetter júrgizý kezinde medısınalyq aralasýǵa habardar etilgen kelisimin alýǵa nemese odan bas tartýyna járdemdesedi.
Medısınalyq pýnkttiń jumys kestesi orta bilim berý uıymynyń jumys kestesine sáıkes aýysymdyq rejımde belgilenedi, - delingen qujatta.
MSAK uıymy, qyzmet kórsetý aýmaǵynda ornalasqan, medısınalyq qyzmetke berilgen lısenzıaǵa qosymshanyń negizinde orta bilim berý uıymynyń medısınalyq pýnktinde mynadaı medısınalyq qyzmetti: medısınalyq-sanıtarıalyq alǵashqy kómek: dárigerge deıingi, bilikti mamandyqtar boıynsha balalar halqyna ambýlatorıalyq-emhanalyq kómekti júzege asyrady.
Mektep medısınasyn uıymdastyrýǵa qatysatyn densaýlyq saqtaý uıymdary qyzmetiniń negizgi mindetteri men baǵyttary:
- profılaktıkalyq medısınalyq tekserýler júrgizý;
- profılaktıkalyq medısınalyq qarap-tekserý nátıjeleri boıynsha saýyqtyrý is-sharalaryn uıymdastyrý;
- psıhıkaǵa belsendi áser etetin zattardy qoldanýǵa baılanysty minez-qulyq táýekelderiniń profılaktıkasy jáne olardy tómendetý;
- vaksınalaýdy júrgizý;
- aýrýlardyń profılaktıkasy, oqýshylar arasynda salamatty ómir saltyn qalyptastyrý jáne nasıhattaý, alǵashqy kómek kórsetý boıynsha oqytý semınarlaryn, trenıńter men dárister uıymdastyrý jáne ótkizý;
- bilim berý jáne túsindirý is-sharalaryn ótkizýmen ata-analar men pedagogterdi oqýshylardyń densaýlyǵyn saqtaýǵa tartý;
- jedel medısınalyq kómek kórsetetin medısına qyzmetkerleri kelgenge deıin kezek kúttirmeıtin jaǵdaılarda alǵashqy kómek kórsetý bolyp tabylady.
Medısınalyq pýnktte oqýshylarǵa medısınalyq kómekti «Pedıatrıa», «Jalpy dárigerlik praktıka» mamandyǵy boıynsha dárigerler (mektep dárigeri), keńeıtilgen praktıka meıirgeri, jalpy praktıka meıirgeri, ýchaskelik meıirger, mamandandyrylǵan meıirger, bilim berý uıymdaryndaǵy medısınalyq pýnkt meıirgeri, «Mektep medısınasyndaǵy meıirger isi» mamandyǵy boıynsha meıirger (mektep meıirgeri) kórsetedi.
Oqýshylardy josparly dıspanserleýdi, emdeýdi jáne (nemese) aýrýy boıynsha ońaltýdy olar bekitilgen MSAK uıymynyń jalpy praktıka dárigerleri, ýchaskelik pedıatrlar, beıindi mamandar, feldsherler men meıirgerler júzege asyrady.
Mektep dárigeri mynandaı fýnksıalardy júzege asyrady:
- mektep jasyndaǵy balalardyń densaýlyǵyn saqtaý jáne nyǵaıtý jónindegi is-sharalardy josparlaıdy;
- profılaktıkalyq medısınalyq tekserip-qaraý júrgizý kestesin jasaıdy jáne onyń iske asyrylýyn qamtamasyz etedi;
- oqýshylardy profılaktıkalyq medısınalyq tekserýden ótkizýge qatysady;
- profılaktıkalyq medısınalyq tekserip-qaraý nátıjeleri boıynsha ýaqtyly dıspanserleýdi baqylaýdy júzege asyrady;
- profılaktıkalyq medısınalyq tekserip-qaraý nátıjeleri boıynsha densaýlyq toptaryna sáıkes 1 jáne 2 densaýlyq tobyndaǵy oqýshylardy negizgi dene shynyqtyrý tobyna, 3 jáne 4 densaýlyq tobyndaǵy oqýshylardy arnaıy medısınalyq dene shynyqtyrý tobyna aıqyndaıdy;
- arnaıy medısınalyq topqa belgilengen oqýshylardyń tizimin orta bilim berý uıymyna usynady;
- bilim alýshylarǵa, pedagog jáne tehnıkalyq personalǵa jiti jáne sozylmaly aýrýlar, jaraqattar (stasıonarǵa deıingi kezek kúttirmeıtin kómek, tirkelgen jeri boıynsha medısınalyq uıymǵa jiberý, «jedel» kómek brıgadasyn shaqyrý) jaǵdaılarynda kezek kúttirmeıtin medısınalyq kómek kórsetedi.
Mektep oqýshylaryn profılaktıkalyq tekserýden ótkizýdi, oqýshylarmen jáne olardyń zańdy ókilderimen túsindirý jumystaryn júrgizýdi qospaǵanda, bilim berý uıymynyń medısınalyq pýnktinde mektep dárigeriniń turaqty qatysýy talap etilmeıdi.
Mektep meıirgeri mynandaı fýnksıalardy júzege asyrady:
- profılaktıkalyq medısınalyq qarap-tekserý júrgizý úshin oqýshylardyń nysanaly toptarynyń tizimin jasaıdy;
- josparly, maýsymdyq nemese epıdemıalyq kórsetilimder boıynsha keıinnen egilgenderdi baqylaı otyryp, oqýshylarǵa vaksınasıalaý júrgizýdi qamtamasyz etedi;
- bilim alýshylarǵa, pedagog jáne tehnıkalyq personalǵa jiti jáne sozylmaly aýrýlar, jaraqattar (dárigerge deıingi kezek kúttirmeıtin kómek, tirkelgen jeri boıynsha medısınalyq uıymǵa jiberý, «jedel» kómek brıgadasyn shaqyrý) jaǵdaılarynda kezek kúttirmeıtin medısınalyq kómek kórsetedi;
- MSAK uıymynyń salaýatty ómir salty mamanymen birlesip salaýatty ómir saltyn nasıhattaý jáne qalyptastyrý jónindegi is-sharalardy júzege asyrady;
- bilim berý uıymdarynyń psıhologtary jáne áleýmettik pedagogteri birlesip, psıhıkalyq densaýlyqty saqtaý, temeki buıymdaryn tutynýdan, psıhıkaǵa belsendi áser etetin zattardy medısınalyq emes maqsatta tutynýdan, sondaı-aq qumar oıyndarǵa patologıalyq eligýden týyndaǵan sýısıdtik minez-qulyq pen táýeldiliktiń profılaktıkasy boıynsha jumystarǵa qatysady;
- Bilim berý obektilerine qoıylatyn sanıtarıalyq-epıdemıologıalyq talaptar eskere otyryp, tárbıelenýshiler men oqýshylardy bólip otyrǵyzýdy baqylaýdy qamtamasyz etedi.
Shuǵyl kórsetilimder bolǵan jaǵdaıda nemese mektep oqýshylarynyń ómirine qaýip tóngen kezde medısınalyq kómek ata-analarynyń (zańdy ókilderiniń) kelisiminsiz, kórsetilgen medısınalyq kómek týraly ata-analardy (zańdy ókilderin) keıinnen mindetti túrde habardar ete otyryp kórsetiledi.