Búginde ǵalymdar ǵylymı-zertteý jáne komersıalyq maqsatta jasandy ıntellektti damytý men engizýde mol jetistikterge jetti.
Akýstıkalyq taldaýdyń kómegimen jasandy ıntellekt Parkınson aýrýyn, psıhıkalyq buzylystardy, tipti keıbir júrek qan-tamyry sıaqty birqatar nevrologıalyq dertterdiń de damý yqtımaldyǵyn daýyspen-aq anyqtaı alady, dep habarlaıdy Almaty-akshamy.kz «Habar 24» saıtyna silteme jasap.
Dástúrli emes beıne saýndtrekterin jasandy ıntellekt arqyly avtomatty túrde aýdarýdyń jańa ádisin álem kompanıalary aınalymǵa dendep engize bastady. Osy salada qyzmet kórsetip kele jatqan ýkraınalyq faýnderlerdiń kómegimen quralǵan shveısarıalyq kompanıa endi qyzmetin qazaq tilinde de usynatyn boldy.
«Bul jasandy ıntellekt arqyly kez kelgen beıneni 67 tilge jáne 60 dıalektige aýdarýǵa múmkindik jasalǵan. Jaqsy jańalyqtyń biri sol – endi materıaldy qazaq tilinen de, qazaq tiline de aýdarýǵa bolady. Biz iri kompanıamyz jáne jeke tulǵalarmen jumys jasaımyz», - deıdi Ýkraına ónerkásip jáne kásipkerler odaǵynyń vıse-prezıdenti, joba quryltaıshysy Denıs Krasnıkov.
Jasandy ıntellekt beıne jazbanyń júzden 99 paıyz dál aýdarmasyn sol mezette usynady ári aýdarma daýsy qazaqy qońyr maqamda. Quryltaıshylardyń aıtýy boıynsha, mundaı robattar qarjy men ýaqyt únemdeýde de mol septigin tıgizbek ári naryqtaǵy dástúrli aýdarmaǵa qaraǵanda jumysy jıyrma paıyzǵa arzan. Biraq joba maqsaty – qarajatta ǵana emes, maqsat – ulttyq tilderdi dáripteý, - deıdi Vidby quryltaıshylary.
«Bizdiń kompanıanyń mısıasy – aýdarma kezinde álem halyqtarynyń tildik tazalyǵyn saqtaý, beınekontentti damytýǵa jaǵdaı jasaý jáne eń bastysy - ana tilde bilim alýǵa múmkindik usyný», - deıdi Ýkraına ónerkásip jáne kásipkerler odaǵynyń vıse-prezıdenti, joba quryltaıshysy Denıs Krasnıkov.
Dál ári sapaly beriletin aýdarmaǵa qosa, baǵdarlamalyq qural dybystyq faıldan kez kelgen shý men mýzykany avtomatty túrde ózi alyp tastap, jasandy ıntellekt arqyly adam sózin anyqtap, onyń aýdarmasyn dybystaı alady. Bul rette oǵan onlaın redaktor kómekke kelmek, bul vıdeodaǵy dıalektiler men biregeı ataýlardy aýdarý kezinde qoldanylady. Taǵy bir múmkinshilik – SubRip sýbtıtri, osy qosymsha arqyly joǵary sapaly sýbtıtrlerdi jasaýǵa jaǵdaı jasalǵan, bul qyzmet qosymsha aqysyz qoljetimdi.