Túrkistan oblysynyń prokýratýrasy jalpy bilim berý mektepteriniń kúzetshilerine jumysynan aıyrylýyna baılanysty beriletin tıesili ótemaqyny aýdarmaǵanyn anyqtady.
Qazaqstan Respýblıkasynyń Bilim jáne ǵylym mınıstriniń buıryǵymen bilim berý salasyndaǵy qyzmetti iske asyratyn obektiler terorıstik turǵydan osal obektilerge ótýine baılanysty, olardy kúzetý jeke kúzet agenttikterine berilgen. Bul quqyqtyq ózgeristerdiń saldarynan Túrkistan oblysynyń bilim berý bólimderi 1 myń 473 mektep kúzetshisimen eńbek sharttaryn birjaqty buzǵan. Bul rette jumys berýshi enbeń zańnamasynyń talaptaryn buza otyryp, 934 jumysshyǵa tıisti ótemaqyny tólemegen, – delingen prokýratýra habarlamasynda.
Qoldanylǵan sharalarmen bir aıdaǵy ortasha jalaqy mólsherinde ótemaqy tólemderi aýdaryldy (115 mln teńge).
Bul baǵyttaǵy jumys jalǵasyp jatyr jáne oblys prokýratýrasynyń baqylaýynda.