Mańǵystaý oblysynda prokýrorlar oblys ortalyǵynyń jalpy bilim beretin mektepteriniń birinde esepshi 76 mln teńgeden astam búdjet qarajatyn jymqyrǵanyn anyqtady, dep habarlaıdy Almaty-akshamy.kz.
Shtattyq keste men banktik shottardy salystyrý barysynda 3 jyl boıy ózine artyq somany eseptegen mekteptiń bas býhgalteriniń tıisti jáne is-júzinde tólengen jalaqysynyń arasyndaǵy aıyrmashylyq anyqtaldy.
Atalǵan fakti boıynsha prokýrorlar qylmystyq is qozǵap, tergeý ETD-ne tapsyryldy.
Tergeý barysynda atalǵan mekteptiń esepshisi kinásin tolyqtaı moıyndady.
Sot úkimimen kináli adam Qazaqstan Respýblıkasy Qylmystyq kodeksiniń 189-babynyń 4-bóligi (senip tapsyrylǵan múlikti ıemdený jáne ysyrap etý) boıynsha 5 jyl merzimge materıaldyq-jaýapty laýazymdardy atqarý quqyǵynan aıyra otyryp, 7 jylǵa bas bostandyǵynan aıyryldy.
Sot úkimi zańdy kúshine engen joq.