Bul týraly zańnamaǵa ózgertýler engizilip, buıryq bekitildi.
QR Bilim jáne ǵylym mınıstri Asqat Aımaǵambetov 2022 jyldan bastap mektep dırektorlarynyń ornyn aýystyrý bastalatynyn aıtty, dep habarlaıdy Almaty-akshamy.kz
Sonymen qatar ol bıyl bilim berý uıymdary dırektorlaryn taǵaıyndaýdyń jańa júıesi bekitilgendigin aıtty.
«Osy jyldan bastap jańa ınstıtýt – dırektorlardy aýystyrý ınstıtýty jumys isteı bastaıdy. Bizde bir mektepte 10 jyldan astam uzaq ýaqyt boıy jumys isteıtin dırektorlar óte kóp. Búginde olardy yntalandyrý, aýystyrý qajettigi týyndap otyr. Sondyqtan tıisti zańnamaǵa ózgertýler engizilip, buıryq bekitildi. Kelesi jyldan bastap mektep dırektorlaryn rotasıalaý bastalady», - dedi Asqat Aımaǵambetov.