Bıyl 11-synyp oqýshylary Qazaqstan tarıhy páninen emtıhandy aýyzsha formatta tapsyrady.
Bul týraly QR Bilim jáne ǵylymı vıse-mınıstri Sholpan Karınova aıtty, dep habarlaıdy Amaty-akshamy.kz
«Jyldaǵy dástúrge sáıkes bıyl da mektep túlekteri 5 pánnen emtıhan tapsyrady. Emtıhan pánderi jáne tapsyrmalardyń mazmunyna qatysty eshqandaı ózgeris joq. Barlyǵy da mektep baǵdarlamasy aıasynda. Bıyl mektep túlekteri Qazaqstan tarıhynan emtıhandy aýyzsha tapsyrady. Bul másele sońǵy jyldary jıi talqylanyp keledi. Tarıh páni muǵalimderi úshin bul jańashyldyq emes,»– dedi Sholpan Karınova mınıstrlikte ótken tikeleı efır barysynda.
Vıse-mınıstrdiń málimdeýinshe, Qazaqstan tarıhy páninen emtıhandy aýyzsha tapsyrýǵa qatysty mınıstrlikke birneshe ret usynys kelip túsken.
«Emtıhannyń formaty ǵana ózgerip otyr. Aýyzsha, jazbasha, test bolsyn emtıhan tapsyrmalary oqý baǵdarlamasynyń aıasynda ázirlenedi. Syrttan, qosymsha tapsyrma bolmaıdy. Onyń ústine Qazaqstan tarıhy páninen emtıhandy aýyzsha, ıaǵnı bılet arqyly tapsyrý buǵan deıin bar tájirıbe», – deıdi ol.