Tabıǵatty taza ustap, týǵan jerdi túleteıik! Alyp shaharda qala ákimi Erbolat Dosaevtyń bastamasymen «Almaty – bizdiń ortaq úıimiz» naýqany jalǵasyp jatyr. Ekologıalyq aksıa aıasynda megapolıstegi barlyq oqý ornynda «Mektep aýlasynyń oazısi» landshaft dızaıny festıvali uıymdastyryldy. Bilim ordasynyń alańyn kógaldandyrý, dızaın shyǵarmashylyǵyn damytý maqsatynda ótken baıqaýǵa Alataý aýdanyna qarasty №178 mamandandyrylǵan lıseı oqýshylary úlken yqylaspen qatysty. Olar “Baqytty balalyq shaq”, “Kórkem kóbelek”, “Qustar gúlzarda”, “Tabıǵat syry” syndy birneshe joba jasap, lıseı aýlasyn erekshe bezendirdi. Aksıa aıasynda oqý ordasynda “Almaty-bizdiń qala” atty synyp saǵattary ótkizildi. Sondaı-aq, qoqystar qorshaǵan ortany lastap, polıgonda shirip, tabıǵatty tunshyqtyrmas úshin ony qaıta óńdeýge ótkizý maqsatynda «Qoqysyńdy surypta» sharasyn júrgizdi.
Almatyda «Taza Qazaqstan» ekologıalyq aksıasy aıasynda «Qustarǵa úı syılaıyq» sharasy da erekshe uıymdastyryldy. №178 mamandandyrylǵan lıseı oqýshylary bul aksıada da belsendilik tanytty. Bilimgerler «Tehnologıa» sabaǵynda Berik Nábıulynyń jetekshiligimen tabıǵı aǵash qaldyqtaryn kádege jarata otyryp, qus uıalaryn óz qoldarymen jasap, ony №95 balabaqshasynyń aýlasyndaǵy aǵashtarǵa ornatty. Oqýshylar búldirshinderdi tabıǵatty aıalaý men qustarǵa qamqorlyq jasaýǵa shaqyrdy.
Aıta keteıik, «Mektep aýlasynyń oazısi» landshaft dızaıny festıvali barysynda qalada oryn tepken 215 mekteptiń aýlasynda abattandyrý jumystary júrgizilip, nátıjesinde 5-11 synyp oqýshylarynyń kómegimen 20 myń gúl, 430-dan astam jemis aǵashtary, 200-den astam týı aǵashy otyrǵyzyldy. Úzdik joba jeńimpazdary 24 sáýirde Stýdentter saraıyndaǵy ótetin «Qyzǵaldaqtar» festıvalinde marapattalady. Al, «Qustarǵa uıa syılaıyq» mektep chellendji aıasynda Almatyda 1 myńnan astam qus uıasy jasaldy. Olar mektep aýlasynda, saıabaqtar men alańdarda ornatyldy. «Qoqysty kofege/taǵamǵa aıyrbasta» aksıasy aıasynda almatylyq balalar men eresekter 737 keli qaıta óńdeletin shıkizatty (138 kg plasık, 95 kg alúmını, 210 kg makýlatýra, 294 kg shyny) tapsyrdy.
Eske salaıyq, almatylyqtar men qala qonaqtary 8 mamyr, ıaǵnı naýqannyń sońyna deıin alyp shahardy kórkeıtýge belsendi qatysa alady. Osy aptada taýlarda, ózender men sý aıdyndarynyń jaǵalaýlarynda, sondaı-aq qalanyń saıabaqtary men skverlerinde qoqystardan jappaı tazalaý jáne aǵash otyrǵyzý ótedi.
