Áýejaılarda biraz reıster toqtatyldy.
Saýd Arabıasynyń Mekke qalasynda jáne oǵan irgeles aımaqtarda bastalǵan nóser jańbyrdan eki adam qaza tapty, dep habarlaıdy Almaty-akshamy.kz Inbusiness.kz silteme jasap.
Saýd Arabıasynyń Ulttyq meteorologıa ortalyǵynyń málimetinshe, jaýyn-shashynnyń eń kóp mólsheri (jarty táýlikte shamamen 180 mm) teńiz jaǵalaýyndaǵy Djıdda qalasyna jaqyn aýdanda jaýǵan.
Jergilikti bılik Mekkeni Djıddamen baılanystyratyn tas joldy jabýǵa buıryq berdi, atalmysh qalalardaǵy áýejaılarda biraz reıster toqtatyldy. Azamattyq qorǵanys qyzmetteri halyqty aýa raıy qalpyna kelgenshe, erekshe qajettilik bolmasa, úıden shyqpaýǵa shaqyrady.