Kelýshiler sırek kezdesetin qoljazbalar jınaǵyn, Qasıetti Qurannyń tarıhı kóshirmelerin jáne ǵasyrlar boıy qasıetti mátinderdiń saqtalýyn beıneleıtin ınteraktıvti kórneki ekspozısıalardy zertteı alady.
Mekke aımaǵy gýbernatorynyń orynbasary hanzada Saýd bın Mıshaal bın Abdýlazız sársenbide Hıra mádenı aýdanyndaǵy basty kórneki oryn Quran murajaıyn saltanatty túrde ashty. Atalǵan ortalyq Mekke turǵyndary men qonaqtarynyń dinı jáne mádenı tájirıbesin baıytýǵa arnalǵan, dep habarlaıdy aqshamnews.kz.
Mekke qalasy men qasıetti oryndar jónindegi koróldik komısıanyń basshylyǵymen jáne qoldaýymen ázirlengen rýhanı murajaı bilimdi zamanaýı tehnologıalarmen úılestiredi, dep jazady Saudi Press Agency.
Murajaıda sırek kezdesetin qoljazbalar, Qurannyń tarıhı qoljazbalary qoıylǵan. Sonymen qosa ınteraktıvti vızýaldy ekspozısıalar da bar. Olar kelýshilerge qurandy jazý prosesi qalaı júrgizilgenin jáne oǵan ǵasyrlar boıy kútim jasaýdyń qyr-syryn bilýge múmkindik beredi.
Murajaıdyń saltanatty ashylýy tarıhı oryndardy daıyndaý jáne jandandyrý, sondaı-aq mádenı jobalardy ázirleý jónindegi Koróldik komısıanyń kúsh-jigeriniń arqasynda ótti.
Aıta keteıik, murajaı Hıra mádenı aýdanynyń jobasy aıasynda Hıra taýynyń eteginde ornalastyryldy. Bul mekenniń tarıhı jáne rýhanı mańyzy zor. Sebebi ol quran alǵash ret túsirilgen jer retinde tanymal.